تاحار اۋعان ءۋالاياتىنىڭ بيلىگى تاجىكستان اۋە كۇشتەرى دارگاد ۋەزىندەگى تالىبتەرگە سوققى جاسادى - دەپ مالىمدەدى. اۋە سوققىسىنان التى سودىر كوز جۇمىپ, توعىزى جارالانعان. بۇل جونىندە اۋعان اقپارات قۇرالدارى حابارلادى.

تاجىكستان تارابى ازىرگە بۇل اقپاراتتى راستاعان جوق. اۋە سوققىسى تالىپتەردىڭ تاجىك-اۋعان شەكاراسى ماڭىنداعى فارحور تۇرعىندارىنا جاساعان شابۋىلىنا جاۋاپ بولۋى مۇمكىن. بۇعان دەيىن تاليبان سودىرلارى كالاشنيكوۆ پۋلەمەتىمەن "نيۆا"اۆتو كولىگىنە شابۋىل جاساعان. سالدارىنان كولىكتە بولعان ەكى ادام قازا تاۋىپ، بىرەۋى جارالانعان.

ء"تاليبان" قوزعالىسىنىڭ ءباسپاسوز حاتشىسى زابەۋللا مۋدجاحيد داركاد ۋەزىنە شابۋىل جاسالعانىن راستادى. ء"بىز بۇل جاعدايدى تەكسەرىپ جاتىرمىز. تاليبان مۇشەلەرى شەكاراداعى ەلدى-مەكەن تۇرعىندارىنا شابۋىل جاساۋعا ءتيىستى ەمەس ەدى",- دەدى زابەۋللا مۋدجاحيد.

“The Qazaq Times”