فرانتسيادا ساياساتكەرلەر قۇرانعا وزگەرتۋلەر ەنگىزۋدى ۇسىنۋدا

ساياساتكەرلەر مەن جازۋشىلاردان، سونداي-اق مادەنيەت قايراتكەرلەرىنەن قۇرالعان 250 ادام فرانتسيا ۇكىمەتىنە پەتيتسيا جولدادى. وندا ولار قاسيەتتى قۇرانعا وزگەرتۋلەر ەنگىزۋ تۋرالى ۇسىنىس جاساپ، مۇسىلمان الەمىن دۇرلىكتىرەتىن قادامعا باردى. بۇل تۋرالى فرانتسيالىق اقپارات كوزدەرى، ونىڭ ىشىندە «liberation.fr» حابارلايدى.

ءبىر قىزىعى، پەتيتسيا جولداعان قوعام بەلسەندىلەرىنىڭ اراسىندا فرانتسيانىڭ بۇرىنعى پرەزيدەنتى نيكوليا ساركوزي مەن تانىمال جازۋشى شارل ازناۆۋر دا بار ەكەن. ولار قۇرانداعى وزگە ءدىن وكىلدەرىنە قاتىستى جازىلعان سوزدەرگە وزگەرىستەر ەنگىزىلۋىن تالاپ ەتۋدە. بىراق، فرانتسيادا تۇراتىن مۇسىلماندار قاۋىمداستىعىنىڭ وكىلدەرى بۇل پەتيتسيانى مۇلدەم جوققا شىعارۋدى ۇسىنىپ، فرانتسيالىق قايراتكەرلەردىڭ ارەكەتىن «ناسىلشىلدىك، يسلاموفوبيا جانە مادەنيەتسىزدىك» دەپ اتاعان. ەندى، اتالعان ماسەلەنىڭ فرانتسۋز قوعامىنىڭ اراسىنا جىك سالۋى مۇمكىن ەكەنىن دە بولجاۋشىلار بار.

“The Qazaq Times”