كابۋلداعى اقش ەلشىلىگى مەن ناتو كۇشتەرى ورنالاسقان اۋماقتا زىمىران وعى قۇلادى. فوتو: The Telegraph.

اۋعانستاننىڭ استاناسىندا پرەزيدەنت سارايىنا جاقىن ماڭعا زىمىران شابۋىلى جاسالدى. كابۋلدىڭ قاۋىپسىزدىك تاراۋلارى زىمىران شابۋىلىنىڭ ايت نامازى وقىلىپ جاتقان كەزدە بولعانىن مالىمدەدى. بۇل تۋرالى «انادولى» اقپاراتتىق اگەنتتىگى مالىمدەدى.

زىمىران شابۋىلىن جاساعان تەررورلىق توپتىڭ سودىرلارى كابۋلداعى پرەزيدەنت سارايىنا جاقىن جەردەگى ءبىر ۇيدە جاسىرىنعان. ولاردىڭ اتقان زىمىراندارى ناتو كۇشتەرى مەن اقش وكىلەتتى ەلشىلىگى ورنالاسقان اۋماققا تۇسكەن.

اۋعانستان ۇكىمەتى زىمىران شابۋىلىنان ەكى ادام جاراقات العانىن، سودىرلاردىڭ كوزى جويىلعانىن مالىمدەدى.

“The Qazaq Times”