Кабулдағы АҚШ елшілігі мен НАТО күштері орналасқан аумақта зымыран оғы құлады. Фото: The Telegraph.

Ауғанстанның астанасында президент сарайына жақын маңға зымыран шабуылы жасалды. Кабулдың қауіпсіздік тараулары зымыран шабуылының айт намазы оқылып жатқан кезде болғанын мәлімдеді. Бұл туралы «Анадолы» ақпараттық агенттігі мәлімдеді.

Зымыран шабуылын жасаған террорлық топтың содырлары Кабулдағы президент сарайына жақын жердегі бір үйде жасырынған. Олардың атқан зымырандары НАТО күштері мен АҚШ өкілетті елшілігі орналасқан аумаққа түскен.

Ауғанстан үкіметі зымыран шабуылынан екі адам жарақат алғанын, содырлардың көзі жойылғанын мәлімдеді.

“The Qazaq Times”