"قازاقستاندىقتار  ساۋاتسىز جارنامالارعا، جەرگىلىكتى كونتەنتتىڭ جانە تەلەارنالاردا تانىمدىق باعدارلامالاردىڭ جوقتىعىنا نارازى". قر اقپارات جانە كوممۋنيكاتسيا ءمينيسترى داۋرەن اباەۆ كەڭەيتىلگەن وتىرىستا الەۋمەتتىك ساۋالنامانىڭ وسىنداي قورىتىندىسىمەن  بولىستى. بۇل تۋرالى zakon.kz حابارلايدى.

سونداي-اق،  مينيسترلىكتىڭ ساۋالناماسىنىڭ ناتيجەسىندە، قازاقستان ازاماتتارى ەلىمىزدەگى جۋرناليستەردىڭ كاسىبي دەڭگەيىنە كوڭىلدەرى تولمايتىنى بەلگىلى بولدى. «ءبىزدىڭ تەلەارنالار قاجەتتى امال-شارالارىن جاساپ، كورەرمەننىڭ كوڭىلىنەن شىعاتىنداي باعدارلامالار ۇسىنۋى كەرەك»، – دەيدى اباەۆ. ول تەلە-راديو سالالارىن دامىتۋ ءۇشىن بىرنەشە اسپەكتىلەر اتاپ ءوتتى.  سونىڭ ىشىندە وتاندىق تەلەسەريالداردىڭ شەتەلدىك سەريالدارمەن باسەكەگە لايىقتى بولۋ ءۇشىن كۇش جۇمساۋلارىن تالاپ ەتتى.

تەلە-راديو سالاسىنداعى مامانداردىڭ بىلىكتىلىگى مەن كاسىبي شەبەرلىگىن ارتتىرۋ ماقساتىندا ارنايى كرى جۇيەسىن ەنگىزەتىندىگى بەلگىلى بولدى. ول دەگەنىڭىز، مامانداردىڭ كونكۋرستىق ىرىكتەۋدەن  وتكىزىلەدى جانە كادرلىك رەزەرۆ دايىندالادى دەگەن ءسوز. سوعان بايلانىستى، داۋرەن اباەۆ بيىلعى جىلدىڭ ناۋرىز ايىنىن استاپ «ەل ارنا» ارناسى قايتا ىسكە قوسىلاتىندىعىن حابارلادى. تەك بۇرىنعىداي ويىن-ساۋىقتىق باعدارلامالاردى ەمەس، كوركەم، دەرەكتى فيلمدەر مەن سەريالداردى كورسەتەتىن بولادى.

«بۇل جوبا وتاندىق كينەماتوگرافيا سالاسىن دامىتۋ، جاس رەجيسسەرلەرگە قولداۋ كورسەتۋ، حالىقتىڭ سۇرانىسىن قاناعاتتاندىرۋ ءۇشىن باعىتتالعان»، – دەيدى مينيستر.

«The Qazaq Times»