كەشە عانا  يندونەزيا ەلىنىڭ استاناسى دجاكارتادا حVIII جازعى ازيا ويىندارىنىڭ الاۋى جاعىلدى. بۇگىن بىرنەشە سپورت تۇرلەرى بويىنشا جۇلدەلەر ساراپقا سالىنىپ العاشقى جۇلدەگەرلەرىمىز دە بەلگىلى بولدى.

ازيا ويىندارىنا قازاقستان قۇراماسى ساپىنان 440 سپورتشى اتتاندى. بۇل دوداعا وزگە ەلدىڭ اتىنان قاتىسىپ جاتقان  قازاق قانداستارىمىز دا جوق ەمەس.

اتاپ ايتار بولساق،  بالۋاندار اراسىنان  قىتايدان كەلگەن قازاق بالۋانى ەرلانبەك كاتەيۇلى. ول ەركىن كۇرەستەن 4 جىل بۇرىن وڭتۇستىك كورەيانىڭ ينچحون قالاسىندا وتكەن ازيا ويىندارىندا قولا مەدال يەلەنگەن بولاتىن.

ءۋاليحان سەرىكۇلى.  گرەك-ريم كۇرەسىنەن 59 كگ-عا دەيىنگى سالماقتا بەلدەسەدى. قىتايدا ىشكى بىرىنشىلىكتە  ەكى رەت قولا جۇلدەگە قول جەتكىزگەن.

توقتاربەك تاڭاتحانۇلى.  ازيا ويىندارىنا  قىتاي ەلىنىڭ اتىنان  كەلگەن. ول ءوز سالماعىندا قىتايدىڭ ەڭ مىقتى بوكسشىسى سانالادى.

ەلمۇرات تاسمۇراتوۆ. قازاق سپورت سۇيەر قاۋىمىنا جاقسى تانىس وزبەكستان قۇراماسىنداعى ەتنيكالىق قازاق بالۋانى. ول گرەك-ريم كۇرەسىنەن ازيانىڭ 4 دۇركىن جەڭىمپازى.

بۇلبۇل مۇرات.  موڭعوليا قىزدار باسكەتبول قۇراماسىندا ونەر كورسەتەدى. گونكونگقا قارسى العاشقى ويىندا ءبىر ءوزى كومانداسىنا 37 ۇپاي الىپ بەرگەن.
ەستەرىڭىزگە سالا كەتەيىك، XVIII جازعى ازيا ويىندارى 2 قىركۇيەككە دەيىن جالعاسادى.

“The Qazaq Times”