تۇركيا پرەزيدەنتى رەجەپ تايىپ ەردوعان امەريكالىق بىرقاتار تاۋارلارعا قاتاڭ سالىق ەنگىزۋ تۋرالى جارلىققا قول قويعانىن مالىمدەدى. وسىنداي قۇجات «Resmi Gazete» رەسمي باسىلىمىنىڭ سايتىندا جاريالاندى.

جاڭا سالىقتار جەڭىل اۆتوكولىكتەرگە، ىشىمدىك جانە تەمەكى ونىمدەرىنە سالىنعان. سالىق كولەمى اۆتوكولىكتەرگە 120%-دى، الكوگولدى ونىمدەرىنە 140%-دى، ال تەمەكى ونىمدەرىنە — 60%-دى قۇراعان. بۇدان بۇرىن، پرەزيدەنت ەردوعان اقش-تا شىعارىلاتىن ەلەكترونيكا ونىمدەرىنە بايكوت جاريالاعانى تۋرالى مالىمدەگەن ەدى.
بارىمىزگە بەلگىلى، تۇرىك ليراسى جۇما، 10 تامىز كۇنى 2001 جىلدان بەرگى ەڭ ۇلكەن كورسەتكىش 18%-عا دەيىن قۇنسىزدانعان ەدى. وعان اق ءۇي باسشىسى دونالد ترامپتىڭ تۇرىك ءاليۋمينيى مەن بولاتىنا سالىنعان تاريفتەردىڭ ەكى ەسەلەگەنى سەبەپ بولعان ەدى. بۇدان بۇرىن دا سايتىمىزدا جازعانىمىزداي، پرەزيدەنت ەردوعان تۇرىك حالقىن جاپپاي دوللار، ەۋرو جانە التىننان قۇتىلۋعا شاقىردى.  بۇل شيەلەنىس 1 تامىز كۇنى اقش-تىڭ امەريكالىق پاستور ەندريۋ برانسوننىڭ قاماۋعا الىنعانىنا بايلانىستى تۇركيانىڭ ىشكى ىستەر ءمينيسترى مەن ادىلەت مينيستىرىنە سانكتسيالار ەنگىزگەننەن كەيىن ءتىپتى ۋشىققان ەدى. ەندى، تۇركيا تاراپى دا ءوز كەزەگىندە امەريكالىق ىشكى ىستەر ءمينيسترى مەن ادىلەت ءمينيسترىنىڭ ەل تەرريتورياسىنداعى اكتيۆتەرىن بۇعاتتاپ تاستادى.

“The Qazaq Times”