بيىل ەلىمىزدە 40718 تۇلەك تەستىلەۋدى قايتا تاپسىرۋعا نيەت بىلدىرگەن. ولاردىڭ قاتارىندا كەشەندى تەستىلەۋدەن وتەتىندەر دە بار. ءبىلىم جانە عىلىم مينيسترلىگىنىڭ مالىمەتىنە قاراعاندا، ۇبت-نىڭ ەكىنشى كەزەڭى مەن كەشەندى تەستىلەۋدى وتكىزۋ ءۇشىن  40 بازالىق ۋنيۆەرسيتەت تاڭدالعان.

تەستتى قايتا تاپسىرعىسى كەلگەندەر 25 شىلدە مەن 3 تامىز ارالىعىندا ءوتىنىش بەردى. ءوتىنىش بەرگەن ۇمىتكەرلەر سانى 40 718.  ولاردىڭ ىشىندە 66 پايىزى قازاق تىلىندە، 33 پايىزى ورىس تىلىندە جانە 11 ادام اعىلشىن تىلىندە تاپسىرۋعا نيەت ءبىلدىردى.

بەس ءپان بويىنشا سۇراقتارعا تولىق ءبىلىم بەرەتىن بولىمدە وقىعىسى كەلەتىن 18500 ادام جاۋاپ بەرەدى، ال قىسقارتىلعان باعدارلاما بويىنشا ءبىلىم العىسى كەلەتىن 22 218 ادام ەكى پاننەن عانا تاپسىرادى.

ۇلتتىق بىرىڭعاي جانە كەشەندى تەستىلەۋ 5 كۇن بويى – 15-19 تامىز ارالىعىندا – 40 جوو بازاسىندا وتەدى.

اپەللياتسياعا ءوتىنىش تەست قورىتىندىسى شىققاننان كەيىنگى كەلەسى كۇنى ساعات 13:00-گە دەيىن قابىلدانىپ، ءبىر كۇنتىزبەلىك كۇن ىشىندە قارالادى. تالاپكەر اپەللياتسيالىق كوميسسيا وتىرىسىنا كەلمەسە، ونىڭ ءوتىنىشى قارالمايدى.

قايتا تاپسىرىلعان تەستتىڭ قورىتىندىسى سول كۇنى ۇلتتىق تەستىلەۋ ورتالىعىنىڭ سايتىندا جاريالانادى.

ەسكە سالايىق، ۇبت-نى قايتا تاپسىراتىن تۇلەكتەر 2242 تەڭگە تولەۋگە مىندەتتى.

“The Qazaq Times”