جەكسەنبىدە اقش ۆيتسە-پرەزيدەنتى مايك پەنس ەل جاستارىنىڭ ىندەتكە قارسى ساقتىق شارالارىن قولدانباۋى سەبەپتى سوڭعى كۇندەرى كوروناۆيرۋس جۇقتىرۋشىلار سانى كۇرت كوبەيىپ كەتكەنىن مالىمدەدى.

ۆيتسە-پرەزيدەنت CBC اگەنتتىگىنە بەرگەن سۇحباتىندا: « كوروناۆيرۋستىق تەستىلەۋدى كۇنىنە 500 مىڭ ادامعا دەيىن جەتكىزدىك، سول سەبەپتى دە ۆيرۋس انىقتالعاندار سانى كوبەيدى. دەگەنمەن، ەل جاستارى كارانتين تالاپتارىن ورىنداماعانى سەبەپتى سوڭعى كۇندەرى ۆيرۋس جۇقتىرعاندار سانى كۇرت ءوسىپ جاتىر»، – دەگەن.

سوڭعى كۇندەرى اقش-تىڭ فلوريدا، تەحاس جانە اريزونا شتاتتارىندا ىندەتكە شالدىققاندار سانى ەسەلەپ ءوسىپ جاتىر. وتكەن جۇمادا قۇراما شتاتتاردا ءبىر كۇندە 40 مىڭ ادامنان Covid-19 ىندەتى تابىلىپ، سوڭعى جارتى جىلداعى رەكوردتىق كورسەتكىشتى جاڭارتقان ەدى.

فلوريدا مەن اريزوناداعى ۆيرۋس جۇقتىرۋشىلاردىڭ سانىنىڭ كوبەيۋىنە بايلانىستى، پەنس وسى اپتادا ەكى شتاتقا جوسپارلانعان ءىس-ساپارىن كەيىنگە قالدىردى. پەنس مالىمدەمەسىندە، جىل باسىمەن سالىستىرعاندا اقش-تا ناۋقاستاردى ەمدەلۋ جاعىنان جاقسى ناتيجە كورسەتكەنىن جانە كوروناۆيرۋس جۇقتىرعان ناۋقاستاردى ەمحاناعا جاتقىزۋدى كوبەيتكەنىن ايتتى.

پرەزيدەنت ترامپ پەن ۆيتسە-پرەزيدەنت پەنس فلوريدا مەن تەحاس گۋبەرناتورلارىنا شەكتەۋ شارالارىن كۇشەيتىپ، اتالعان شتات تۇرعىندارىنىڭ وزگە شتاتتارعا اعىلۋىن توقتاتۋعا شاقىرعان.

“The Qazaq Times”