بۇگىن قازاقستاندا ۇلتتىق بىرىڭعاي تەستىلەۋ باستالدى. تەستىلەۋدەن ءبىر كۇندە تەك 6,5 مىڭ ستۋدەنت وتەدى. مينيسترلىكتىڭ مالىمدەۋىنشە بۇل ەڭ از ساندى لەكتىڭ ءبىرى.

جالپى سانى 161 ۇبت وتكىزۋ پۋنكتىنىڭ العاشقى لەكتە تەك 51-ءى عانا سىناق تاپسىرۋشىلاردى قابىلدايدى. ونىڭ 44-ءى اۋىلدىق جەرلەردە ورنالاسقان. ءار پۋنكتىگە ورتا ەسەپپەن نەبارى 120 تۇلەكتەن كەلەدى.

21 ماۋسىم مەن 5 شىلدە ارالىعىندا وتەتىن تەستىلەۋدەن بىتىرۋشىلەر 15 لەككە ءبولىنىپ وتەدى. ەلدەگى كوروناۆيرۋس ىندەتىنىڭ تارالۋىنا بايلانىستى تەست تاپسىرۋ پۋنكتتەرىندە سانيتارلىق سيپاتتاعى كۇشەيتىلگەن شارالار قابىلدانادى دەپ مالىمدەدى مينيسترلىك.

سونىمەن قاتار،بيىلعى بىرىڭعاي تەستىلەۋدە تۇلەكتەرگە ءبىرشاما جەڭىلدىك جاسالىنعان. اتاپ ايتقاندا، تۇلەكتەرگە كالكۋلياتور قولدانۋعا، سىناما تەستتەرگە تەگىن قول جەتكىزۋگە مۇمكىندىك بار. تەست تاپسىرۋ ۋاقىتى 4 ساعاتقا دەيىن ۇزارتىلعان. بۇعان قوسا، وقۋشىلار مەملەكەتتىك ەمتيحانداردان دا بوساتىلعان. مينيسترلىك بۇل جەڭىلدىكتەردى بيىلعى تەست سۇراقتارى قيىنداعاندىقتان ەنگىزدىك دەپ وتىر.

ۇبت قازاقستاندا 2004 جىلدان بەرى مەكتەپ بىتىرۋشىلەردىڭ ءبىلىمىن باعالايتىن سىناق رەتىندە قولدانىلىپ كەلەدى. وسى جىلداردا ۇلتتىق تەستىلەۋدىڭ ەشقانداي ينتسيدەنتسىز وتكەن كەزى بولماعان.

"The Qazaq Times"