«شارشاعاندارىن ايتقان» پولشالىق پوليتسەيلەر دەمالىسقا كەتىپ قالدى

پولشانىڭ كامەن-پومورسكي قالاسىندا تەرگەۋ ءبولىمىنىڭ پوليتسەيلەرى شارشاعاندىقتان، ۋاقىتشا ەڭبەككە جارامسىز تۇرىندەگى دەمالىسقا كەتكەن. بۇل تۋرالى lanouvellerepublique.fr پولشا پوليتسەي قىزمەتكەرلەرىنىڭ تاۋەلسىز كاسىپوداعىنىڭ حابارلاماسىنا سىلتەمە جاساپ حابارلايدى.

پوليتسەي قىزمەتكەرلەرىنىڭ تاۋەلسىز كاسىپوداعى بۇنى — پوليتسەيلەردىڭ قىزمەتتىك مىندەتتەرىنىڭ شەكتەن تىس كوبەيىپ كەتكەندىگىمەن تۇسىندىرگەن. كاسىپوداق باسشىسى رافال يانكوۆسكيدىڭ ايتۋىنشا، پوليتسيا قىزمەتكەرلەرىنىڭ شەرۋگە شىعۋ قۇقىقتارى بولماعاندىقتان، بۇل قانداي دا ءبىر قارسىلىق ناۋقانى ەمەس. ءبولىم باسشىسى بۇل ورەسكەلدىكتى كادر جەتىسپەۋشىلىگىمەن ءتۇسىندىرىپ، وسىنداي جاز مەزگىلىندە ولارعا ارتىلعان قىزمەتتىك مىندەتتىڭ شەكتەن تىس كوبەيىپ كەتكەنىن ايتقان.

بىراق، وزدەرىنە قارسىلىق شەرۋىنە شىعۋ قۇقىعى بەرىلمەسە دە، 10 شىلدە كۇنى پولشاداعى بۇكىل پوليتسيا قىزمەتكەرلەرى جاپپاي قارسىلىق ناۋقانىنا شىققان. ولار جالاقىلارىنىڭ كوبەيۋى، 2013 جىلدان بەرى الىنىپ تاستالعان زەينەتكە مەرزىمىنەن بۇرىن شىعۋ قۇقىعىنىڭ قايتارىلۋى سياقتى تالاپتارمەن بيلىككە ۇندەۋ تاستاۋدا.

“The Qazaq Times”