اقش-قا اتتانار الدىندا. فوتو: The Indian Express.

كەشە تايۋان (تايۆان) پرەزيدەنتى ساي يىڭۆىن (Cai Yingwen) اقش-تىڭ لوس-اندجەلەس قالاسىنا جاسايتىن ساپارىنىڭ الدىندا باق وكىلدەرىمەن كەزدەسۋ وتكىزدى. ول سوزىندە: «تايۋانعا جەتەكشىلىك ەتىپ، ونىڭ ديپلوماتيالىق كەڭىستىگىن كەڭەيتۋ مەنىڭ تايۋان پرەزيدەنتى رەتىندەگى جاۋاپكەرشىلىگىم. سىرتقا شىعۋدىڭ ءوزى بالكىم الەمگە تايۋانعا كوز سالۋعا مۇمكىندىك بەرۋ»، – دەدى. ساي يىڭۆىن حانىم جانە «تايۋاننىڭ بولمىسىن، ونىڭ بار ەكەنىن ەشكىم جوققا شىعارا المايتىنىن» اتاپ ءوتتى. بۇل تۋرالى The New York Times باسىلىمى حابار تاراتقان ەدى.

تايۋان باسشىسى اقش-قا جەتۋدەن بۇرىن جول-جونەكەي بىرنەشە تىنىق مۇحيت ارالدى ەلدەرىنە ات باسىن بۇرادى. ال اقش جەرىندە «ەسكى دوستارىمەن كەزدەسۋ» وتكىزەدى.

ال، بەيجىڭ بيلىگى بولسا تايۋان باسشىسىنىڭ شەتەلدەرگە رەسمي ساپار جاساۋىنا تۇبەگەيلى قارسى. ءارى تايۋان باسشىسىنىڭ ءار رەتكى شەتەل ساپارى تۇسىندا قىتاي بيلىگى تايۋان ارالىنىڭ ماڭىندا تەڭىز-اسكەري جاتتىعۋلارىن وتكىزۋدى ادەتكە اينالدىرعان. بۇل رەتتە دە قىتاي تەڭىز ارميا قارۋلى كۇشتەرى مالىمدەمە جاساپ، 13 تامىزدان باستاپ، حۋاڭحاي تەڭىزى الابىندا اسكەري وقۋ-جاتتىعۋ جۇرگىزەتىندەرىن، اتالعان سۋ ايدىنىنا كەمەلەردىڭ كىرۋىنە تىيىم سالعانىن حابارلادى.

 

“The Qazaq Times”