تۇركيا-اقش اراسىندا تاتۋلاسۋ ماقساتىنداعى كەلىسسوزدەر جالعاسا بەرمەك

سوڭعى بىرنەشە جىلدان بەرى ناشارلاي تۇسكەن اقش-تۇركيا قارىم-قاتىناسىن قايتا رەتكە سالۋ، ەكىجاقتى بايلانىستاردى دامىتۋعا سوڭعى ۋاقىتتا قوس تاراپ بىردەي كۇش سالۋدا. بۇل ءۇشىن ەكى ەلدىڭ دەلەگاتسيا توبى ءبىر-بىرىنە ءىس-ساپارمەن باردى. اقش سىرتىق ىستەر مينيسترلىگىنىڭ رەسمي وكىلى حەاتەر ناۋەرت كەشە اقش-تۇركيا ورتاسىنداعى ماسەلەلەردى رەتتەۋ كەلىسسوزدەرى جالعاساتىنىن مالىمدەدى. بۇل تۋرالى VOA جانە «انادولى» اقپارات اگەنتتىكتەرى حابارلادى.

تۇركيا مەن قۇراما شتات ءسىم باسشىلارىنىڭ ورىنباسارلارى ۋاشينگتوندا وتكىزگەن كەلىسسوزدەن كەيىن ەكى ەلدىڭ ەلشىلىكتەرى سەنىمدى دوستىق قارىم-قاتىناستى جالعاستى ساقتايتىندارىن ارت-ارتىنان مالىمدەدى.

ناۋەرتتىڭ مالىمەتىندە تۇركيا ءسىم باسشىسىنىڭ ورىنباسارى سەدات ءونال باستاعان 9 ادامدىق دەلەگاتسيا توبى اقش سىرتقى ىستەر ءمينيسترىنىڭ ورىنباسارى جون سۋلليۆانمەن ءساتتى كەلىسسوز وتكىزگەن.

ەكى ەل قارىم قاتىناسى ناتو-تۇركيا اراسىنداعى شيەلەنىس، ەردوعان بيلىگى جانە 2016 جىلعى 15 شىلدە وقيعاسى قاتارلى ىستەردە اقش پەن تۇركيا اراسىنداعى قايشىلىقتار ارتا تۇسكەن. ترامپ پرەزيدەنت بولۋدان ىلگەرى، انكارا بيلىگى تەررورلىق توپتىڭ ليدەرى دەپ تانىعان اقش-تا تۇراتىن فەتحۋللاح گۇلەندى ەلگە قايتارۋ ىسىندە دە ەكى ەل ۇكىمەتتەرى كەلىسە الماعان بولاتىن.

“The Qazaq Times”