رەسەي پرەزيدەنتى ۆلاديمير ءپۋتيننىڭ ارنايى وكىلى سەرگەي يۆانوۆ: «تمد اۋماعىندا گەوساياسي تارتىس ءجۇرىپ جاتىر» – دەپ مالىمدەدى.  

سەرگەي يۆانوۆ «كوممەرسانت» باسىلىمىنا بەرگەن سۇحباتىندا: «تمد اۋماعىندا گەوساياسي تارتىس ءجۇرىپ جاتىر. ونى جوققا شىعارۋعا بولمايدى. ناتو ۋاقىت وتكەن سايىن رەسەي شەكاراسىنا جاقىنداپ كەلەدى. بىراق تمد اۋماعىندا رەسەي مەن ناتو اراسىندا قارۋلى قاقتىعىس بولمايدى دەپ ۇمىتتەنەمىن. تمد قۇرامىنداعى ەلدەردىڭ بارلىعى تاۋەلسىز مەملەكەتتەر. ءبىز ولاردىڭ تاڭداۋىن باعالايمىز جانە سىيلايمىز. ەگەر تمد قۇرامىنداعى قانداي دا ءبىر ەل ناتو قۇرامىنا كىرۋگە نيەتتى بولسا، ونى ناتو قابىلداۋعا كەلىسسە، ءبىز ول مەملەكەتكە ەشقانداي كەدەرگى كەلتىرە المايمىز. بۇل ولاردىڭ تاڭداۋى» - دەپ مالىمدەگەن.

“The Qazaq Times”