رەسەي اسكەرى قازاقستانعا اسكەري ماقساتتا گلوناسس جۇيەسىن قولدانۋعا بەردى. بۇل تۋرالى ريا نوۆوستي قازاقستاننىڭ قورعانىس جانە اەروعارىش ونەركاسىبى مينيسترلىگىنە سىلتەمە جاساپ حابارلادى.

اقپارات اگەنتتىگى ساراپشى ۆيكتور مۋراحوۆسكي (ول "ارسەنال وتەچەستۆا" جۋرنالىنىڭ باس رەداكتورى رەتىندە تانىستىرىلدى) پىكىرىن كەلتىرگەن. ونىڭ ايتۋىنشا، اسا جوعارى دالدىكتەگى گلوناسس جۇيەسى تەڭىزدىڭ ۇستىندە مالىمەتتەردى انىقتاۋ ءۇشىن كەرەك.

"بۇل جۇيە اسكەري تەحنيكا، كوماندا پۋنكتەرى ورنالاسقان ورىندى انىقتاۋ ءۇشىن كەرەك", - دەدى مۋراحوۆسكي.

"ينفورمبيۋرو" پورتالىنىڭ مالىمەتىنە قاراعاندا، روسكوسموس گلوناسس ستانتسيالارىن 2017 جىلدىڭ اياعىنا دەيىن استانا جانە قىزىلوردا قالالارىندا ورنالاستىرۋدى جوسپارلاعان.

بۇعان دەيىن رەسەي بۇل جۇيەنى الجير مەن ۇندىستانعا پايدالانۋعا بەرگەن. گلوناسس - رەسەيلىك سپۋتنيكتى ناۆيگاتسيا جۇيەسى.

“The Qazaq Times”