سۇريالىق مىڭداعان بوسقىن ءار-راستان مەن تەل-بيسا قالالارىنا ورالۋدا

ءسۇريا اراب رەسپۋبليكاسى بوسقىنداردى وتاندارىنا قايتارۋ ۇدەرىسىن ءساتتى جۇرگىزۋدە. ءار-راستان مەن تەل-بيسا قالالارىنا قازىرى ۋاقىتتا بىرنەشە مىڭ بوسقىن قايتىپ ورالعان. بۇل تۋرالى جەرگىلىكتى بيلىك حابارلاۋدا، دەپ جازادى avim.org.tr.

تەل-بيسا قالاسىنىڭ تۇرعىندارى قالا قاقتىعىستان ازات ەتىلگەن ۋاقىتتان باستاپ ەكى ەسەگە ارتقان. قالا باسشىلىعى كوميتەتىنىڭ وكىلى حالەد ءۆاديدىڭ سوزىنشە، ءۇش اي بۇرىن قالا تەرروريستەردىڭ باقىلاۋىندا بولعان كەزدە ول جەردە بەس-اق مىڭ وتباسى ءومىر سۇرسە، قازىر ولاردىڭ سانى 12 مىڭعا جەتكەن. ءار-راستان قالاسىنا دا قازىرگى ۋاقىتتا 1,5 مىڭ بوسقىن ورالعان. نەگىزىنەن بوسقىندار شام (داماسك) مەن وزگە دە قالالارعا قونىس اۋدارعان. سەبەبى، بۇل قالالار بيلىكتىڭ باقىلاۋىندا بولعان ەكەن. اتالعان كوميتەت وكىلىنىڭ ايتۋىنشا، وسى قالالار سوعىس كەزىندە قاتتى قيراتىلىپ،  ۇيلەردىڭ كەم دەگەندە 70%-ى جوندەۋ جۇمىستارىن تالاپ ەتەدى. ايتا كەتۋ كەرەك، سوڭعى ۋاقىتتا سۇرياعا بيلىگى ەلدەگى ازاماتتىق سوعىستىڭ كەسىرىنەن باسپانالارىن تاستاپ كەتۋگە ءماجبۇر بولعان سۇريالىقتاردى وتاندارىنا قايتارۋدى قولعا العان ەدى. حالىقارالىق وداق تاراپىنان قاۋىپسىز دەپ سانالعان ايماقتارعا اعىلعان سۇريالىقتاردىڭ سانى بۇگىندە سوعىس باستالعاننان بەرگى ۋاقىتپەن سالىستىرعاندا رەكوردتى كورسەتكىشكە جەتكەن.

“The Qazaq Times”