پانفيلوۆ اۋداندىق سوتى سايراگۇل ساۋىتبايدى سوت زالىنان بوساتتى.

جاركەنتتە وتكەن سوت وتىرىسىندا سۋديا «قازاقستان شەكاراسىنان زاڭسىز ءوتتى» دەگەن ايىپ تاعىلعان سايراگۇل ساۋىتبايدى سوت زالىنان بوساتىپ، التى ايعا شارتتى تۇردە جازالۋعا جانە پروباتسيالىق باقىلاۋعا الۋعا ۇكىم ەتتى.

ۇكىمگە دەيىنگى جارىس سوزدە پروكۋرور ارزىگۇل يمياروۆا سايراگۇل ساۋىتبايدىڭ بالالارى قازاقستان ازاماتى ەكەندىگىن ەسكەرىپ بالالارىمەن كەزدەسۋدى قامتاماسىز ەتۋ قاجەت ەكەندىگىن ايتقان جانە ونى قر قىلمىستىق كودەكسىنىڭ 392 بابىنىڭ 1 ءبولىمى (مەملەكەتتىك شەكارانى زاڭسىز قاساقانا كەسىپ ءوتۋ) بويىنشا كىنالى دەپ تانىپ، التى ايعا باس بوستاندىعىنان ايىرۋ، بىراق ونى شارتتى جازاعا اۋىستىرۋ جانە التى ايعا پروباتسيالىق باقىلاۋعا الۋ جازاسىنا كەسۋدى جانە سوت زالىنان بوساتۋدى سۇراعان.

“The Qazaq Times”