ادامداردىڭ مارستى وتارلاۋ ارمانى ارتا ءتۇستى: تىرشىلىكسىز جۇلدىزدان كول تابىلدى

استرونومدار العاش رەت مارستا سۇيىق كۇيىندە ساقتالىپ تۇرعان سۋ بار ەكەنىن، مالىمدەدى. ءتىپتى بۇل سۋ مارستىڭ وڭتۇستىك پوليۋسىندا ۇزىندىعى 20 شاقىرىمنان استام الىپ كولدى قالىپتاستىرعان. استرونومياداعى بۇل تىڭ قۇبىلىس «مارس-ەكسپرەسس» ستانتسياسىنىڭ Marsis اتتى رادارى ارقىلى اشىلدى. بۇل تۋرالى BBC ونلاين قىزمەتى حابارلادى.

بۇعان دەيىن قىزىل جۇلدىز بەتىندە توپىراق قاباتىنا ارالاس مۇزدىقتاردىڭ بار ەكەنى بەلگىلى بولاتىن. عالىمدار مارس بەتىنىڭ تەمپەراتۋراسى جوعارلاعان كەزدە بولماشى سۋلار پايدا بولىپ، تەز ارادا بۋعا اينالىپ كەتەتىنىن ايتاتىن. تەك، Marsis رادارىنىڭ سوڭعى مالىمەتتەرىنەن عانا مارس بەتىندە ماڭگى سۇيىق كۇيدەگى سۋدىڭ بار ەكەنى بەلگىلى بولدى.

مارس بەتىن بارلاپ جۇرگەن Marsis رادارى. فوتو: BBC/USGS ASTROGEOLOGY SCIENCE CENTER, ARIZONA STATE UN.

مارس بەتىندە زەرتتەۋ جۇرگىزىپ جاتقان NASA-نىڭ ارناۋلى قۇرىلعىسى بۇعان دەيىن تەك سارقىلىپ قالعان كولدەردى جانە مۇزعا اينالعان القاپتاردى عانا تاپقان. استرونوميانىڭ بۇل جاڭالىعى مارستا تىرشىلىك ەتۋگە بولادى دەگەن بولجامدى بارعان سايىن شىندىققا جاقىنداتا ءتۇستى. ءارى، NASA, SpaceX سەكىلدى مارستى وتارلاعىسى كەلەتىن ورتالىقتاردىڭ ءۇمىتىن ەسەلەي ءتۇستى.

“The Qazaq Times”