ەندى ول مارس وربيتاسىندا اينالىپ ءجۇرىپ ارابتارعا زەرتتەۋ ناتيجەلەرىن جىبەرىپ وتىرماق. بۇل ارابتاردىڭ مارسقا اتتاعان العاشقى تابىستى قادامى سانالۋدا.

 بۇل جاڭالىق ءباا-ءىن مارستى زەرتتەۋدە تابىستى قادام جاساعان العاشقى بەس ەلدىڭ بىرىنە اينالدىردى. سونداي-اق، ەل تاريحىنداعى جانە تۇتاس ورتا شىعىستان مارس وربيتاسىنا كىرگەن العاشقى ەل بولىپ قالدى. بۇعان دەيىن كەڭەس وداعى (كەيىن رەسەي), اقش، ءۇندىستان جانە ەو عانا قىزىل جۇلدىزدى زەرتتەۋدە ىلگەرى قادامدار جاساپ كەلگەن. قازىر جاپونيا مەن قىتاي دا مارسقا عارىش اپپاراتىن جىبەرۋ جوبالارىن دامىتىپ جاتىر.

بىرىككەن اراب امىرلىگى ۇشىرعان عارىش اپپاراتىنىڭ كولەمى جول تاڭدامايتىن اۆتوكولىكتىڭ كولەمىندەي-اق. بىراق، سونىڭ ءوزى مارستان قۇندى اقپاراتتار جولداي الادى. عارىش جوباسىندا ول اپپاراتتىن قايتا جەرگە ورالتۋ كوزدەلمەگەن، تەك قىزىل جۇلدىز ونى ءوز وربيتاسىنان تەۋىپ تاستاعانشا اينالىپ جۇرە بەرمەك. ونىڭ باستى مىندەتى مارس اتموسفەراسىنان وتتەگى مەن سۋ تەگىن ىزدەيدى.

“The Qazaq Times”