Марстың Оңтүстік полюсынан көл табылды. Фото: BBC/SCIENCE PHOTO LIBRARY.

Астрономдар алғаш рет Марста сұйық күйінде сақталып тұрған су бар екенін, мәлімдеді. Тіпті бұл су Марстың оңтүстік полюсында ұзындығы 20 шақырымнан астам алып көлді қалыптастырған. Астрономиядағы бұл тың құбылыс «Марс-Экспресс» станциясының Marsis атты радары арқылы ашылды. Бұл туралы BBC онлайн қызметі хабарлады.

Бұған дейін Қызыл жұлдыз бетінде топырақ қабатына аралас мұздықтардың бар екені белгілі болатын. Ғалымдар Марс бетінің температурасы жоғарлаған кезде болмашы сулар пайда болып, тез арада буға айналып кететінін айтатын. Тек, Marsis радарының соңғы мәліметтерінен ғана Марс бетінде мәңгі сұйық күйдегі судың бар екені белгілі болды.

Марс бетін барлап жүрген Marsis радары. Фото: BBC/USGS ASTROGEOLOGY SCIENCE CENTER, ARIZONA STATE UN.

Марс бетінде зерттеу жүргізіп жатқан NASA-ның арнаулы құрылғысы бұған дейін тек сарқылып қалған көлдерді және мұзға айналған алқаптарды ғана тапқан. Астрономияның бұл жаңалығы Марста тіршілік етуге болады деген болжамды барған сайын шындыққа жақындата түсті. Әрі, NASA, SpaceX секілді Марсты отарлағысы келетін орталықтардың үмітін еселей түсті.

“The Qazaq Times”