جاپونيادا «اۋم سينريكە» سەكتاسىنىڭ مۇشەلەرى ءولىم جازاسىنا كەسىلدى

«اۋم سينريكە» ءدىني سەكتاسىنىڭ التى مۇشەسى جاپونيادا ءولىم جازاسىنا كەسىلدى. بۇل تۋرالى جاپونيانىڭ ادىلەت مينيسترلىگىنىڭ ءباسپاسوز قىزمەتى حابارلادى، - دەپ جازادى «abhaber.com».
بۇلار ءولىم جازاسىنا كەسىلگەن سەكتا مۇشەلەرىنىڭ سوڭعىلارى. بۇدان بۇرىن سەكتانىڭ نەگىزىن سالۋشى سەكو اساحارا مەن تاعى التى ادامعا ءولىم جازاسىنا ۇكىم شىعارىلعان ەدى.
ەسكە سالاتىن بولساق، 1995 جىلدىڭ ناۋرىز ايىندا سەكتا مۇشەلەرى توكيو مەتروسىندا ۋلاعىش گاز شاشىپ، سالدارىنان 13 ادام قازا تاۋىپ، 6 مىڭعا ادام جۋىق زارداپ شەككەن. بۇل شابۋىل ەل تاريحىنداعى ەڭ ءىرى قايعىلى وقيعا بولىپ سانالادى. جاپونيالىق NHK مەدياكورپوراتسياسىنىڭ حابارلاۋىنشا، ءولىم جازاسىنا كەسىلگەندەر «اۋم سينريكە» سەكتاسىنىڭ باس بەلسەندىسى مەن 1995 جىلعى تەررورلىق ىسكە تىكەلەي قاتىسى بارلار. سەكتانىڭ ءولىم جازاسىنا كەسىلگەن 13 مۇشەسىنە دە، ونىڭ الدىندا ۇكىم كەسىلگەن سەكتانىڭ نەگىزىن سالۋشى سەكو اساحاراعا دا ءولىم جازاسىنا كەسىلۋ تۋرالى ۇكىم بىرنەشە مارتە كەيىنگە قالدىرىلعان ەدى. اتالعان سەكتا ۇيىمى مۇشەلەرىنىڭ ءولتىرىلۋى جاپونيا تاريحى ءۇشىن ەلەۋلى وقيعاعا اينالدى. سونىمەن قاتار، الەمدىك ءىرى اقپارات قۇرالدارى دا وسى وقيعانى جارىسا جازۋدا. سەبەبى، ولار ۇيىمداستىرعان مەترو جارىلىسىنىڭ كەسىرىنەن ءالى كۇنگە دەيىن زارداپ تارتۋشىلار بار.

“The Qazaq Times”