باعداتتاعى ەرەۋىل. فوتو: IRNA.

يراكتاعى ەكى اپتاعا سوزىلعان ەرەۋىلدەن 14 ادام قازا تاۋىپ، 700-دەن استام ادام جاراقات الدى. بۇل تۋرالى يرنا اقپاراتتىق اگەنتتىگى جەرگىلىكتى اقپارات كوزدەرىنە سىلتەمە جاساي وتىرىپ حابارلادى.

جۇمىسسىزدىق پەن الەۋمەتتىك داعدارىستارعا اشىنعان جۇرتتىڭ ەرەۋىلى ەڭ اۋەلى ەلدىڭ وڭتۇستىك ايماقتارىندا باستالعان بولاتىن. كەيىن جاپپاي نارازىلىق اكتسياسى ەل ورتالىعى باعدات قالاسىندا جالعاستى.

يراكتىڭ وڭتۇستىك ايماقتارىنداعى ەرەۋىل كەزىندە قازا بولعانداردىڭ كەيبىرەۋى قاۋىپسىزدىك كۇشتەرىنىڭ وعىنان ولگەنى تۋرالى دا اقپاراتتار تاراپ جاتىر. بۇل ەرەۋىلشىلەردىڭ قارسىلىعىن ءتىپتى دە كۇشەيتىپ جىبەرگەن.

جۇمىسسىزدىق پەن ءتۇرلى الەۋمەتتىك قايشىلىقتار، ەلەكتر جارىعىنسىز ايماقتاردىڭ تۇرعىندارى باستاعان نارازىلىق شاراسى ءالى دە جالعاسىن تابۋدا. ولار يراك پارلامەنتىنىڭ دارمەنسىزدىگىن سىنعا العان.

“The Qazaq Times”