گالينا ۆيشنەۆسكايا ەكىنشى «التىنىنا» قول جەتكىزدى
قازاقستاندىق بياتلونشى گالينا ۆيشنەۆسكايا 28-بۇكىلالەمدىك ۋنيۆەرسيادا ويىندارىندا، 12,5 كيلومەترلىك ماسس-ستارت بويىنشا ءوزىنىڭ ەكىنشى التىنىن جەڭىپ الدى. بۇل تۋرالى vesti.kz ءتىلشىسى حابارلايدى.
فوتو: almaty2017.com
ءبىر رەت قالت جىبەرىپ العان ۆيشنەۆسكايا بەرىلگەن قاشىقتىقتى 36:15,4 مينۋتتا باعىندىردى. ال «كۇمىس» ۋكراينالىق يانا بونادرعا (+1:02.3) بۇيىرسا، «قولانى» رەسەيلىك لاريسا كۋكلينا (+1:13.1) يەلەندى.
قازاقستاننىڭ نامىسىن قورعاعان سپورتشىلارىمىز ەليزاۆەتا بەلچەنكو (+1:27.0) مەن داريا ۋسانوۆا (+2:10.9) تقرتىنشى جانە بەسانشى بولىپ مارەگە جەتكەن. ال الەكساندرا ساسينا 13-ءشى، اناستاسيا كوندراتەۆا 15-ءشى كەلسە، وكىنىشكە وراي، الينا رايكوۆا بۇل جارىستى اياقتاي الماي قالدى.
ۆيشنەۆسكايا ءۇشىن اتالمىش جارىستاردا العان ەكىنشى جۇلدەسى. بۇعان دەيىن 7,5 كيلومەترلىك سپرينتتە ءبىرىنشى بولىپ جەتىپ، ەل قورجىنىنا ءوزىنىڭ العاشقى التىنىن سالعان بولاتىن.
اننا شەۆچەنكونىڭ ءوز قورجىنىندا بەس جۇلدە بار
قىسقى ۋنيۆەرسيادا-2017 ءبىزدىڭ سپورتشىلار ءۇشىن، ونىڭ ىشىندە بياتلونشىلار مەن شاڭعىشىلار ءۇشىن وتە ءساتتى وتۋدە. بۇگىن شاڭعىشىمىز اننا شەۆچەنكو ءوزىنىڭ بەسىنشى جۇلدەسىنە يە بولدى. بۇل تۋرالى vesti.kz حابارلايدى.
فوتو: almaty2017.com
شەۆچەنكو 15 كيلومەترلىك ماسس-ستارتتا جەڭىمپازدان نەبارى 7,8 سەكۋندقا كەش كەلىپ، ءۇشىنشى ورىنعا يە بولدى. ءبىرىنشى جانە ەكىنشى ورىن رەسەيلىك سپورتشىلار ليليا ۆاسيلەۆا (44:09.7) مەن اننا نەچاەۆسكاياعا (+2.0) بۇيىردى.
قازاقستاندىق شاڭعىشى اننا شەۆچەنكو ەل قورجىنىنا بەس جۇلدە سالدى. ونىڭ ىشىندە ءبىر «التىن»، ءبىر «كۇمىس»، ءۇش «قولا» بار.
ال قازاقستان قورجىنىندا 11 التىن، 6 كۇمىس، 12 قولا جۇلدە، جالپى كولەمدە 29 جۇلدە بار.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى