يەمەندەگى حۋسيت باسقىنشىلار توبى رەسەي پرەزيدەنتى ۆلاديمير پۋتيننەن كومەك سۇرادى.  

SABA اقپارات اگەنتتىگىنىڭ مالىمەتىنشە، «انسارۋللاح» شيت قوزعالىسىنا كىرەتىن حۋسيت توبىنىڭ باسشىسى ماحدي ال-ماشات رەسەي پرەزيدەنتى ۆلاديمير پۋتينگە حات جولداعان. حاتتا قوزعالىس وكىلدەرى پۋتيننەن يەمەندە بولىپ جاتقان سوعىستى توقتاتۋعا كومەكتەسۋدى سۇراعان.

«انسارۋللاح» شيت قوزعالىسى 2015 جىلدان بەرى ەكس-پرەزيدەنت ءالي ابدۋللاح ساليح جاعىندا قازىرگى مەملەكەت باسشىسى ابدۋراببۋ مانسۋر حابي جاقتاستارىنا قارسى سوعىسۋدا. ال ءحابيدىڭ ءوزى ساۋد ارابياسى اۋماعىنا قونىس اۋدارعان.

“The Qazaq Times”