يراك كۇرد قارۋلى توپتارىنا قارسى تۇركيامەن ىنتىماقتاسپاق

يراك ءسىم باسشىسى باعدات قالاسىندا شەتەلدىك جانە وتاندىق باق وكىلدەرىنە رەسمي مالىمدەمە جاساپ، بولشەكتەۋشى تەررورلىق ۇيىم PKK-گە قارسى كۇرەستە تۇركيامەن تولىقتاي ىنتىماقتاستىق ورناتۋعا دايىن ەكەنىن ءبىلدىردى. تۇركيا مەن يراك اراسىنداعى بۇل ىنتىماقتاستىق، وڭىردەگى كۇردتەردىڭ قارۋلى توپتارىنا قىسىم تۇسىرمەك. بۇل تۋرالى «انادولى» اقپاراتتىق اگەنتتىگى حابارلادى.

بولشەكتەۋشى تەررورلىق ۇيىم دەپ تانىلعان PKK يراك، ءسۇريا جانە تۇركيا ەلدەرىندەگى كۇردتەردىڭ دەربەستىگىنە تالپىنىس جاساپ كەلە جاتقان  قونىستانعان اۋماقتا كۇردىستان مەملەكەتىن قۇرۋعا كۇرەس جۇرگىزىپ كەلەدى. سۇرياداعى كۇرد قارۋلى توپتارىنا دايش-كە قارسى كۇرەس كەزىندە اقش باسقارعان حالىقارالىق كواليتسيا تارابىنان ۇلكەن قولداۋ كورسەتىلگەن. الايدا، انكارا بيلىگى كۇرد جۇمىسشىلار پارتياسى مەن ءسۇريا جەرىندەگى YPG قارۋلى توبى ءبىر ۇيىم دەپ مالىمدەدى.

يراك سىرتقى ىسترە ءمينيسترى احمەد ماحجۋب مالىمدەمەسىندە، PKK-نىڭ يراك جەرىندە 1980 جىلدان بەرى ارەكەت ەتىپ كەلە جاتقانىن، قارۋلى توپتارى كوبىندە ەلدىڭ ءسۇريا جانە تۇركيامەن شەكارالاس تاۋلى ايماقتارىندا ارەكەت ەتەتىنىن ايتىپ ءوتتى. احمەد ماحجۋب سوزىندە: «ءبىز بۇل ۇيىمدى تەررورلىق توپ دەپ تانيمىز جانە وعان قارسى كۇرەستە تۇركيامەن بەرىك ىنتىماقتاستىق ورناتۋعا دايىنبىز»، – دەدى.

شىن مانىسىندە، كۇرد قارۋلى كۇشتەرىمەن كۇرەستە يراك ارمياسىنىڭ تاجريبەسى مەن كۇشى جەتەرلىك ەمەس. يراك تارابى بۇعان دەيىن تاۋلى ايماقتاعى PKK قارۋلى توپتارىمەن كۇرەستە باي تاجريبەسى بار تۇرىك ارمياسىنىڭ كومەگىنە جۇگىنەتىنى انىق. ءارى بۇنى يراك ءسىم باسشىسى دا راستادى.

 “The Qazaq Times”