مۇناي دەرجاۆاسى الەمدەگى ەڭ كەدەي ەلدەردىڭ كوشىن باستاپ تۇر.

سNN تەلەارناسىنىڭ مالىمەتىنشە، بيىلعى جىلى افريكا قۇرلىعىنىڭ مۇناي وندىرۋدەگى كوش باسشىسى نيگەريا كەدەي ەلدەردىڭ كوشىن باستاعان. ەل حالقىنىڭ 44,4 پايىزىنىڭ اتاپ ايتقاندا 87 ميلليون ادامنىڭ كۇندىك جالاقىسى 1,9 دوللاردان ارى اسپايدى. بۇل كورسەتكىش الەمدىك بيرجادا مۇناي باعاسىنىڭ قۇلدىراۋىنان كەيىن مۇلدە تومەن دەڭگەيگە جەتكەن.

جالپى، قازىرگى تاڭدا الەم بويىنشا 18 مەملەكەتتە كەدەيلىك دەڭگەيى جىل سايىن وسۋدە. ونىڭ ىشىندەگى 14 مەملەكەت ءدال وسى افريكا قۇرلىعىندا ورنالاسقان.

ايتا كەتەتىن ءبىر جايت، ءبىزدىڭ ەلىمىزدە 2017 جىلدىڭ ءىى كۆارتالى بويىنشا، كەدەيلىك شەگى ايىنا 9784 تەڭگە بولعان. ەگەر 9784 تەڭگەنى كۇنگە بولەتىن بولساق، وندا كەدەي ادامنىڭ كۇندىك تابىسى 326 تەڭگەنى قۇرايدى. اقش دوللارىنا شاققاندا بۇل ءبىر دوللارعا دا جەتپەيدى.

“The Qazaq Times”