يران سوعىس كەمەلەرى. فوتو: presstv.com.

يران اسكەري تەڭىز كۇشتەرى يەمەن جاعالاۋىنا ەكى سوعىس كەمەسىن جىبەردى. بۇل سوعىس كەمەلەرى اسكەري تىكۇشاقتار تاسىمالداۋعا قابىلەتتى ەكەنى ايتىلۋدا. «تاسنيم» اقپاراتتىق اگەنتتىگى حابارلادى.

يراننىڭ ەكى اسكەري كەمەسى يەمەننىڭ اراب تەڭىزى جاعالاۋىنداعى ادەن شىعاناعىنا بارعان. ادەن شىعاناعى اراب تەڭىزى، قىزىل تەڭىز ءتىپتى تۇتاس ءۇندى مۇحيتىنداعى ستراتەگيالىق ماڭىزدى سۋ جاعالاۋى بولىپ ەسەپتەلەدى. يران سوعىس كەمەلەرىنىڭ بۇل شىعاناققا كەلۋى، ساۋدا ارابياسىنىڭ اسكەري كۇشتەرىنە قاۋىپ توندىرەتىنى ايتىلۋدا.

ايتا كەتەيىك، يەمەندەگى سوعىستا ساۋد ارابياسى ۇكىمەت كۇشتەرىنە قولداۋ كورسەتىپ كەلەدى. سونىمەن بىرگە، ەر-رياد بيلىگى يراندى حۋسيت كۇشتەرىنە قولداۋ كورسەتىپ، يەمەندەگى سوعىستى تۋدىردى دەپ ايىپتايدى. ءارى، ساۋد ارابياسىنا باعىتتالعان زىمىران شابۋىلدارىن دا يراننىڭ قولداۋىندا جۇزەگە اسىپ كەلەدى دەپ قارايدى.

“The Qazaq Times”