ءبىلىم جانە عىلىم ءمينيسترى ەرلان ساعاديەۆ مەكتەپ تۇلەكتەرىن سابىرلى بولۋعا شاقىردى. ۆەدومستۆو باسشىسى ۇلتتىق بىرىڭعاي تەستىلەۋ كەزىندە كۇردەلى سۇراقتاردىڭ بولمايتىنىن ايتىپ، وقۋشىلاردى سەندىرۋگە تىرىستى. بۇل تۋرالى Tengrinews.kz پورتالى حابارلادى.

«سۇراقتاردىڭ كوبى جەڭىل. ۋاقىت بار، سوندىقتان اسىعۋدىڭ قاجەتى جوق. ۇلتتىق بىرىڭعاي تەستىلەۋگە جىل سايىن كوپتەگەن بالا قاتىسىپ، بىلىمدەرىن سىنايدى. بۇل ءبىزدى ارينە قۋانتادى» - دەدى، مينيستر.

فوتو: tengrinews.kz

ساعاديەۆتىڭ سوزىنشە، بيىل وقۋشىلارعا 20 مىڭ ءبىلىم گرانتى ءبولىنىپتى. وسى جىلى ۇلتتىق بىرىڭعاي تەستىلەۋگە قاتىساتىن وقۋشىلار سانى 102 مىڭعا جۋىقتاعان. سىناق تاپسىرۋ ناۋقانى بۇگىننەن باستالدى. ۇتب بيىل ەلىمىزدە 15 جىل قاتارىنان وتكىزىلىپ جاتىر. تۇلەكتەرگە 120 سۇراق بەرىلەدى. 50 ۇپاي جيناعان وقۋشى سىناتان وتكەن بولىپ ەسەپتەلەدى. ال، ۇلتتىق ۋنيۆەرسيتەتتەرگە ءتۇسۋ ءۇشىن كەمىندە 60 بالل جيناۋلارى كەرەك.

 

فوتو: tengrinews.kz

بيىل تەست تاپسىراتىن وقۋشىلارعا ەرەكشە ءمان بەرىلىپ وتىر. اۋديتوريالارداعى تەرەزەلەردىڭ بارلىعى اشىق بولماق. ماماندار مەنينگوكوكك ينفەكتسياسى قايتا قىلاڭ بەرمەۋى ءۇشىن وسىنداي قادامعا بارىپ وتىر.

“The Qazaq Times”