اقش مەملەكەتتىك حاتشىسى پومپەو جانە قىتاي ءسىم باسشىسى ۋاڭ ي. فوتو: VOA.

كەشە، اقش مەملەكەتتىك حاتشىسى پومپەو قىتايدىڭ ورتالىق قالاسىنا رەسمي ساپارمەن بارىپ، قىتاي ءسىم باسشىسى ۋاڭ يمەن كەزدەستى. بۇل پومپەونىڭ مەملەكەتتىك حاتشى لاۋازىمىمەن بەيجىڭگە جاساعان العاشقى ساپارى. كەزدەسۋدە ەكى ەلدىڭ لاۋازىمدىلارى كورەي تۇبەگىنىڭ جاڭا تاريحي ۇدەرىسى تۋرالى كەڭەستى. بۇل تۋرالى VOA اگەنتتىگى حابارلادى.

پومپەو سوزىندە: «كورەي تۇبەگىندەگى جاعدايدىڭ سوعىس قاۋپىنەن بەيبىتشىلىككە وزگەرۋىندە جاپونيا، وڭتۇستىك كورەيا جانە قىتاي ەلدەرى ۇلكەن ءرول اتقاردى. اتالعان ەلدەر پرەزيدەنتى ترامپتىڭ وسى باعىتتاعى كۇش-جىگەرىن، ۇلكەن ءرول اتقارعانىن مويىندايدى»، – دەدى. ول جانە قىتاي سىرتقى ىستەر مينيسترىمەن وتكىزگەن ءباسپاسوز جيىنىندا، سولتۇستىك كورەيا يادرولىق قارۋدان تولىق باس تارتپايىنشا، وعان باعىتتالعان سانكتسيالاردىڭ الىنبايتىنىن دا اتاپ ءوتتى.

پومپەونىڭ بەيجىڭ ساپارىندا اقش-قىتاي قارىم-قاتىناسى، ەكى ەل اراسىنداعى ساۋدا داۋى، وڭتۇستىك قىتاي تەڭىزى ماسەلەسى، ءدىني نانىم سەنىم بوستاندىعى مەن ادامدىق قۇقىق ماسەلەلەرىن دە تالقىعا سالدى.

ساپارى بارىسىندا پومپەو قىتاي توراعاسى شي جينپيڭ قابىلداۋىندا بولدى.

“The Qazaq Times”