بيىل قازاقستانداعى مەكتەپتەردىڭ 40 پايىزى اعىلشىن تىلىندە ساباق بەرۋگە كوشەدى. بۇل تۋرالى ءبىلىم جانە عىلىم ۆيتسە-ءمينيسترى اسحات ايماعامبەتوۆ مالىمدەدى.

ونىڭ ايتۋىنشا، مينيسترلىك جۇرگىزگەن ساۋالناماعا سايكەس، وتانداستارىمىزدىڭ 80 پايىزى پاندەردى اعىلشىن تىلىندە وقىتۋدى قالاي ەكەن.

«1 قىركۇيەككە اعىلشىن ءتىلىن ۆ2 دەڭگەيىندە بىلەتىن 7 مىڭ پەداگوگ دايىن بولادى. ولار 1 قىركۇيەكتەن باستاپ حيميا، فيزيكا، بيولوگيا، ينفورماتيكا پاندەرىن اعىلشىن تىلىندە بەرە باستايدى. سوندىقتان، 2018-2019 وقۋ جىلىندا جالپى ءبىلىم بەرەتىن شامامەن 2 مىڭ مەكتەپ 10-11-ءىنشى سىنىپتارعا ءبىر نەمەسە ءتورت ءپاندى اعىلشىن تىلىندە وقىتۋدى باستايدى»، -  دەدى اسحات ايماعامبەتوۆ 

“The Qazaq Times”