يران پرەزيدەنتى ترامپ ۇكىمەتىنەن كەلىسىمنەن شىققانى ءۇشىن تولەم تالاپ ەتپەك

يران پرەزيدەنتى حاسان رۋحاني سەيسەنبى كۇنى فرانتسيا پرەزيدەنتى ەممانۋەل ماكرونمەن تەلەفوندا سويلەسىپ، اقش پرەزيدەنتى ترامپ يران يادرولىق كەلىسىمىنەن باس تارتىپ، ەكونوميكالىق سانكتسيالاردى جولعا قويعاننان كەيىن، كەلىسىمگە قول قويعان فرانتسيا، ۇلىبريتانيا، گەرمانيا، رەسەي جانە قىتايعا وتەم اقى تولەۋ تاسىلدەرىن ويلاستىرۋ كەرەك دەگەن ويىن جەتكىزگەن. ول سوزىندە: «ەگەر، يران 2015 جىلعى الەمنىڭ التى ءىرى ەلىمەن جاساسقان كەلىسىمنەن پايدا كورە الماسا، وندا بۇل كەلىسىمدى جالعاستىرۋ قيىن»، – دەدى. بۇل تۋرالى VOA باسىلىمى حابارلادى.

2015 جىلى تاريحي يران يادرولىق كەلىسىمى جاسالىپ، وعان سول كەزدەگى اقش پرەزيدەنتى باراك وباما قول قويعان بولاتىن. كەلىسىمگە سايكەس، الەمدىك دەرجاۆالار يرانعا باعىتتالعان سانكتسيالاردى توقتاتۋعا كەلىسكەن. الايدا، ترامپ يران يادرولىق كەلىسىمىندە كەمشىلىكتەر بار دەپ تاۋىپ، يراننىڭ يادرولىق باعدارلامالارىنا وراي تۋدىراتىن «ناشار كەلىسىم» دەپ باعالادى.

دەگەنمەن، ترامپ شەشىمىنە قاراماستان ۇلىبريتانيا، فرانتسيا، گەرمانيا، رەسەي جانە قىتاي اتالعان كەلىسىمدى جالعاستىرۋعا تىرىستى. يران پرەزيدەنتى جازباشا مالىمدەمەسىندە: «ءبىز وسى ديپلوماتيالىق جەتىستىكتەردى، ءوز ۋادەسىن ورىندامايتىن باسقا تاراپتاردىڭ ءبىر جاقتى ارەكەتتەرىنە بايلانىستى جويماۋعا ءتيىسپىز»، – دەگەن.

حابارعا قاراعاندا فرانتسيا پرەزيدەنتى ءوزىنىڭ كەلىسىمدى تاباندى جالعاستىراتىنىن بىلدىرگەن.

“The Qazaq Times”