قىتاي ەلى قازاقستاندا سالىناتىن ءتورتىنشى مۇناي وڭدەۋ زاۋىتىن قارجىلاندىرادى. جاڭا زاۋىت قۇرىلىسىنا 2 ملرد دوللار جۇمسالادى دەگەن اقپار بار. بۇل تۋرالى Investing.com پورتالى حابارلايدى.

ەلباسى نۇرسۇلتان نازارباەۆ قىتايعا ساپارى كەزىندە قازاقستانعا ءتورتىنشى مۇناي وڭدەۋ زاۋىتىن سالۋ كەرەكتىگىن ايتقان ەدى. وسى كۇنى ەلىمىزدە جۇمىس ىستەپ تۇرعان قارا التىن وڭدەيتىن زاۋىتتاردىڭ  بارلىعى جوندەۋدەن وتكەن. الايدا 3-4 جىلدان كەيىن جانارماي تاپشىلىعى قايتا سەزىلۋى مۇمكىن. سوندىقتان پرەزيدەنت جەدەل تۇردە قوسىمشا زاۋىت تۇرعىزۋ كەرەكتىگىن ەسكەرتتى.

جاڭا زاۋىت قۇرىلىسى 2022 جىلى اياقتالادى دەپ كۇتىلۋدە. قازىر اتىراۋدا، پاۆلودار مەن شىمكەنت قالالارىندا مۇناي وڭدەيتىن زاۋىتتار بار. ءتورتىنشى زاۋىتتىڭ ازىرگە قاي وڭىردە تۇرعىزىلاتىنى بەلگىسىز.

“The Qazaq Times”