اۆستريا بيلىگى ەل اۋماعىنداعى مەشىتتەردى جاپپاي جابۋدا – دەپ حابارلايدى ۆۆس اقپارات اگەنتتىگى.

ۆۆس مالىمەتىنشە، اۆستريا بيلىگى ەل اۋماعىنداعى جەتى بىردەي مەشىتتى جاۋىپ، 11 يمامدى دەپورتاتسيالاعان. رەسمي ۆەنا ءوزىنىڭ بۇل شەشىمىن دەپورتاتسيالانعان يمامدار مەن مەشىت قىزمەتكەرلەرىنىڭ وسى ۋاقىتقا دەيىن شەتەلدەن قارجى الىپ كەلۋىمەن تۇسىندىرگەن.

قازىرگى تاڭدا اۆستريا قۇزىرلى ورگاندارى «تۇركيا ءدىني ۇلتشىلدارى» مەن «اراب ءدىني ۇيىمدارىمەن» بايلانىسى بار 260-قا جۋىق يمامنىڭ بيوگرافياسىن تەكسەرگەن. ولاردىڭ ىشىندە 40 يمامنىڭ تۇركيا بيلىگىنە جاقىن اTIB يسلام ۇيىمىمەن قاتىسى بار ەكەندىگى انىقتالعان.

ءوز كەزەگىندە تۇركيا پرەزيدەنت اكىمشىلىگى ءوزىنىڭ «Twitter» پاراقشاسىنا  «رەسمي ۆەنانىڭ يسلام ۇيىمدارىنا قىسىم كورسەتۋى ساياسي الاڭدا ارزان ۇپاي جيناۋ جانە مۇسىلمان جۇرتىن كەمسىتۋ» - دەپ جازعان.

“The Qazaq Times”