اۆستريا ۇكىمەتى وزگە مەملەكەتتەر تاراپىنان قارجىلاندىرىلاتىن مەشىتتەردى جاۋىپ، يمامداردى ەل تەرريتورياسىنان كەتىرۋگە شەشىم شىعارعان. اتالعان شەشىمگە سايكەس، «اۆسترياداعى مادەني جانە الەۋمەتتىك ىنتىماقتاستىق اياسىنداعى تۇرىك-يسلام وداعى» قولداۋ كورسەتەتىن مەشىتتەر مەن قۇرىلىمدار دا جۇمىسىن توقتاتادى. بۇل تۋرالى ەۆرونيۋس اگەنتتىگىنىڭ «fr.euronews.com» فرانتسۋز قىزمەتى حابارلايدى.
اتالعان وداق قۇرامىندا 60 قاۋىم مەن 100 مىڭنان استام ادام بار كورىنەدى. اۆستريا بيلىگى وسى قۇرىلىمدار مەن ونىڭ مۇشەلەرىنە "تۇرىك ۇلتشىلدىعىن تاراتۋدا" دەگەن كىنا ارتادى. "ەل استاناسىندا ورنالاسقان «كوك ءبورى» دەپ اتالاتىن مەشىتتەن باستاپ، وسى باعىتتاعى بارلىق مەشىتتى جابۋدى قولعا الامىز", - دەپ حابارلاعان ۇكىمەتتىك ۇيىم. اۆستريا كانتسلەرى سەباستيان كۋرتس وسى شەشىمدەردىڭ اۆستريانىڭ يسلام ءدىني قاۋىمداستىعىمەن اقىلداسىپ جاسالىپ جاتقانىن مالىمدەگەن.
اۆستريا ىشكى ىستەر ءمينيسترى گەربەرت كيكلا دا: "وسى ارەكەتتەر "اۆسترياداعى قانداي دا ءبىر ۇيىمدار مەن قۇرىلىمداردىڭ شەت ەلدەر تاراپىنان قارجىلاندىرىلۋىنا تىيىم سالىنۋى" تۋرالى زاڭ نەگىزىندە جۇزەگە اسىرىلۋدا", - دەپ حابارلاعان.
ەسكە سالايىق، 2017 جىلى «اۆسترياداعى مادەني جانە الەۋمەتتىك ىنتىماقتاستىق اياسىنداعى تۇرىك-يسلام وداعى» اۆستريالىق ۇكىمەت تاراپىنان قاتال سىنعا ۇشىراعان ەدى. ماسەلەنىڭ ۋشىعۋىنا مۇسىلمانداردىڭ بالاباقشالارى سەبەپ بولدى. اۆستريا ءسىم «وسى بالاباقشالار اۆستريانىڭ سالت-داستۇرلەرىنىڭ ورنىنا يسلام قۇندىلىقتارىن تاراتۋمەن اينالىسادى»، دەپ مالىمدەگەن ەدى.
تۇركيا تاراپى بۇعان نە دەيدى؟
ساراپشىلار ءىستىڭ اق-قاراسىنىڭ ءالى انىقتالاتىنىن ايتىپ، اۆستريا ۇكىمەتىنىڭ ءدال وسى قاسيەتتى رامازان ايىندا مەشىتتەردىڭ جۇمىسىن توقتاتۋى نەگىزسىز بولدى دەگەن پىكىردە. ال، تۇركيالىق «timeturk.com» اقپارات قۇرالى تۇركيا بيلىگىنىڭ اۆستريا ۇكىمەتىنىڭ «تۇرىك ۇلتشىلدىعىن تاراتۋدا» دەگەن ايىپتاۋىنا بايلانىستى ودان ناقتى دالەل مەن مالىمدەمە كۇتەتىنىن حابارلادى.
سونداي-اق، تۇركيا پرەزيدەنتى رەجەپ تايىپ ەردوعاننىڭ رەسمي وكىلى يبراگيم كالىن اۆستريا بيلىگىنىڭ وسى شەشىمىن «يسلاموفوبيا مەن ناسىلشىلدىك» دەپ اتادى. «مەشىتتەردى جابۋ — اۆسترياداعى ناسىلشىلدىك پەن كەمسىتۋشىلىكتىڭ كورىنىسى. ءارى، يسلام دىنىنە دەگەن قارسىلىقتىڭ ناتيجەسى. اۆستريا ۇكىمەتىنىڭ وسى شەشىمدى قابىلداۋداعى باستى كوزدەگەنى — ساياسي پايداعا قول جەتكىزۋ ءۇشىن مۇسىلمان جاماعاتتارىن مارگينالداندىرۋ»، - دەدى ي.كالىن.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى