فوتو: 7kun.kz

ەلىمىزدە ەكى قولعا ءبىر كۇرەك تابا الماي جۇرگەن جاستاردىڭ قاراسى كوبەيگەن.  Finprom زەرتتەۋ ورتالىعىنىڭ مالىمەتىنشە، قازىر قازاقستاندا جۇمىسسىز جۇرگەن 84 مىڭ جاس بار. ولاردىڭ 16 مىڭى الماتىدا تۇرادى.

وتكەن جىلى الماتى قالاسىنىڭ اكىمى باۋىرجان بايبەك جاستارعا جۇمىسسىز قالماۋى ءۇشىن قانداي ماماندىق تاڭداعانى دۇرىس ەكەنىن ايتقان ەدى. قالا باسشىسى وزگە وڭىرلەردەن ءبىلىم الۋعا كەلەتىندەردىڭ 70 پايىزى جوعارعى وقى ورنىن تامامداعان سوڭ جۇمىسسىز قالاتىنىن جاريا قىلعان. ويتكەنى، ولار يگەرگەن ماماندىق تۇرلەرىنە الماتىدا سۇرانىس جوق دەيدى.

باۋىرجان بايبەك وسى كۇنى الماتىدا اسپازدار، سانتەحنيكتەر، ەلەكتريكتەر، بارمەندەر جانە داياشىلاردىڭ از ەكەنىن ايتىپ، وسىلارعا سۇرانىس جوعارى دەدى.

“The Qazaq Times”