جەمقورلىق جاعىنان تانزانيامەن قاتار تۇراتىن قازاقستان انتيكورىنىڭ توراعاسى اۋىستى. پرەزيدەنت توقاەۆتىڭ جارلىعىمەن سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى بولىپ مارات احمەتجانوۆ تاعايىندالدى.
اقوردانىڭ حابارلاۋىنشا, انتيكوردى ءتورت جىلداي باسقارعان اليك شپەكباەۆ اگەنتتىك باسشىسى قىزمەتىنەن بوساتىلدى، ازىرگە ونىڭ قايدا بارارى بەلگىسىز.
56 جاستاعى مارات احمەتجانوۆ كەيىنگى بەس جىلدا باس پروكۋروردىڭ ورىنباسارى بولعان. بۇعان دەيىن سىبايلاس جەمقورلىققا قارسى كۇرەس اگەنتتىگى توراعاسىنىڭ ورىنباسارى، اگەنتتىكتىڭ اتىراي وڭىرىندەگى دەپارتامەنتىنىڭ جەتەكشىسى، پاۆلودار جانە وڭتۇستىك قازاقستان وبلىستارىنىڭ پروكۋرورى لاۋازىمىندا قىزمەت اتقارىپ، قۇقىقتىق ستاتيستيكا كوميتەتىن باسقارعان.
ءومىر بويى مەملەكەتتىك قۇرىلىمدا جۇمىس ىستەپ كەلە جاتقان احمەتجانوۆ جوعارى ءبىلىمدى زاڭگەرلىك سالا بويىنشا بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە العان. 30 جىلعا جۋىق تاجىريبەسىندە تەمىرتاۋ قالاسىنان باستاپ باس پروكۋراتۋراعا دەيىن مانساپ قۇرعان. ادام حاقى ءجيى بۇزىلاتىن قازاقستاندا 2019 جىلدان بەرى پرەزيدەنت جانىنداعى ادام قۇقىقتارى جونىندەگى كوميسسيانىڭ مۇشەسى.
63 جاستاعى اليك شپەكباەۆ سىبايلاس جەمقورلىققا قارسى ءىس-قيمىل اگەنتتىگىن 2017 جىلدان باستاپ باسقاردى، وعان دەيىن ءۇش جىل توراعا ورىنباسارى لاۋازىمىندا بولدى. سونداي-اق، 35 جىلدان اسا كۇشتىك-قۇزىرلى ورگانداردا جۇرگەن ول پرەزيدەنت اكىمشىلىگىنىڭ قۇقىق قورعاۋ جۇيەسى ءبولىمى باسشىسى، ىشكى ىستەر ۆيتسە-ءمينيسترى بولدى، قۇقىق قورعاۋ ورگاندارىندا ءتۇرلى قىزمەتتە بولعان. نازارباەۆتىڭ تۇسىندا «داڭق» جانە «قۇرمەت» وردەندەرى، قازاقستاننىڭ تاۋەلسىزدىگى مەن كونستيتۋتسياسىنىڭ 10 جىلدىق مەرەيتويلىق مەدالدارىمەن ماراپاتتالعان.
ساراپشىلار مەن ازاماتتىق قوعام بەلسەندىلەرى ەلدە جەمقورلىق بارلىق الەۋمەتتىك-ساياسي ءومىردى تۇگەل شارپىعانىن ايتىپ، كوپ سىنايدى. جاس رەسپۋبليكادا قاراپايىم مەكتەپ ديرەكتورىنان باستاپ پرەمەر-مينيستر، ۇكىمەت قۇرامىنىڭ بىرقاتار مۇشەلەرى، سوت جۇيەسىنىڭ سۋديالارى جەمقورلىق بويىنشا ايىپتالىپ، سوتتالىپ جاتادى. حالىقارالىق Transparency International ۇيىمى بيىل قاڭتاردا جاساعان «جەمقورلىق يندەكسىندە» قازاقستان جەمقورلىققا جاقىن ەلدەر تىزىمىندە اتالعان. قازاقستان 180 ەل تىزىمدەلگەن رەيتينگتە ەفيوپيا، پەرۋ، سەربيا، شري-لانكا، سۋرينام جانە تانزانيامەن بىرگە 94-ورىندا تۇر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟