تاجىك-قىرعىز شەكاراسىندا قارۋلى قاقتىعىس بولدى – دەپ حابارلايدى Turmush.kg اقپارات كوزى.

Turmush.kg مالىمەتىنشە، قىرعىزستاننىڭ باتكەن وبلىسىنا قاراستى لەيلەك اۋدانىندا تاجىكستان شەكاراشىلارى مەن جەرگىلىكتى حالىق اراسىندا قاقتىعىس ورىن العان. تاجىك شەكاراشىلارى بەيتاراپ ايماقتا ساۋدا جاساعان قىرعىزستان ازاماتتارىنا كۇش كورسەتىپ، ايماقتان كەتۋلەرىن تالاپ ەتكەن. بىراق ساۋداگەرلەر بەيتاراپ ايماقتان كەتۋدەن باس تارتقان. وسىدان كەيىن تاجىكستان شەكاراشىلارى ەسكەرتۋ رەتىندە اۋەگە وق اتقان. كەيىننەن وقيعا ورنىنا قىرعىزستان شەكارا قىزمەتى وكىلدەرى كەلىپ، تاجىكستان شەكاراشىلارىنا قاراپايىم حالىققا كۇش كورسەتكەندەرى ءۇشىن ەسكەرتۋ جاساعان. بىراق تاجىكستان شەكاراشىلارى ولاردىڭ بۇل ەسكەرتۋلەرىنە قۇلاق اسپاي كەزەكتى رەت اۋەگە وق اتقان. شەكارالىق ايماقتا بىرنەشە مارتە وق اتقانى ءۇشىن قىرعىزستان شەكارا قىزمەتىنىڭ ارنايى جاساعى تاجىك ساقشىلارىن ۇستاپ، ۋاقىتشا تەرگەۋ يزولياتورىنا جەتكىزگەن.

“The Qazaq Times”