اقش قورعانىس ءمينيسترى قىتايدى ايىپتادى. فوتو: www.cnn.com.

سينگاپۋردا وتكەن ازيا ەلدەرىنىڭ قورعانىس وكىلدەرى سامميتىندە ءوڭىردىڭ ۇزاق مەرزىمدى قاۋىپسىزدىك ماسەلەلەرى، تۇراقتىلىقتى ساقتاۋ، داۋلى ماسەلەلەردى شەشۋ جولدارى قاراستىرىلدى. ازيا ەلدەرىنىڭ جانە وزگە قۇرلىقتىڭ بىرنەشە ەلىنەن كەلگەن قورعانىس مينيسترلەرى وڭىردەگى ەڭ وزەكتى دەگەن بىرنەشە تاقىرىپتا ويلارىن ورتاعا سالدى.

الەم اقپارات كوزدەرىنىڭ تاراتقان مالىمەتتەرىنە قاراعاندا، سامميتتەگى ەڭ قىزۋ تالقىعا تيەك بولعان تاقىرىپ – وڭتۇستىك قىتاي تەڭىزى ماسەلەسى مەن سولتۇستىك كورەيانىڭ يادرولىق قارۋسىزدانۋى.

قىسقا ۋاقىت ىشىندە قۇبىلىپ تۇرعان سولتۇستىك كورەيا ماسەلەسىندە تاراپتار يادرولىق قارۋسىزدانۋ ءىسىن تاباندى جۇرگىزۋ كەرەك دەگەنگە كەلىستى. جاپونيانىڭ قورعانىس ءمينيسترى يتسۋنوري ونودەرا سوزىندە: «ءبىز سولتۇستىك كورەيانى كەلىسسوز ۇستەلىنە كەلگەنى ءۇشىن عانا قۇرمەتتەي المايمىز. سولتۇستىك كورەيانى يادرولىق قارۋىن تولىق جويۋعا كوندىرۋ كەرەك. وسىدان بۇرىنعى كەلىسىمدە دە سولتۇستىك كورەيانىڭ قارۋ باعدارلامالارىنا جول بەرىلدى»، – دەدى.

كەزەكتى سامميتتە اقش تارابى قىتايدىڭ وڭتۇستىك قىتاي تەڭىزىندە كەڭەيە تۇسكەن ميليتاريزاتسياسىن ايىپتاعان ەدى.

 “The Qazaq Times”