اتىشۋلى «بوكو حارام» ۇيىمى تاعى دا باس كوتەردى

ءبىراز ۋاقىتتان بەرى سايابىرسىعان نيگەريالىق «بوكو حارام» تەررورلىق ۇيىمى ەلدە تاعى دا شابۋىل ۇيىمداستىرىپ، سالدارىنان 5 اسكەري قازا تاپتى. بۇل تۋرالى فرانتسيالىق france24.com/fr اگەنتتىگى حابارلايدى. 

باتىس افريكا ەلى سانالاتىن نيگەريانىڭ سولتۇستىك-شىعىسىندا بولعان وقيعا 5 ادامنىڭ ءومىرىن جالماعانىمەن قويماي، بىرنەشە ادامنىڭ اۋىر جاراقات الۋىنا سەبەپ بولدى.

شابۋىل ارەكەتى نەگىزىنەن بورنو قالاسىنا قارىستى بيتا اۋىلىنداعى ءبىر اسكەري نىسانعا باعىتتالعان. اتالعان اۋىر وقيعادان كەيىن اسكەريلەر مەن ۇيىم مۇشەلەرى اراسىندا قاقتىعىس ورىن الىپ، اقىرى كوپتەگەن ۇيىم مۇشەلەرىنىڭ بەيتاراپتاندىرىلعانى حابارلاندى.

نيگەريادا 2000 جىلداردىڭ باسىنان بەرى ارەكەت ەتۋشى «بوكو حارام»، تۇتقىنداعى جەتەكشىلەرى مۇحاممەد يۋسۋف قايتىس بولعاننان كەيىن، 2009 جىلدان باستاپ قايتادان كۇشىنە مىنگەن ەدى. سودان بەرى ەلدەگى تەررورلىق وقيعالار مەن قاقتىعىستار سالدارىنان ءجۇز مىڭداعان ادام وزگە ەلدەرگە باس ساۋعالاۋعا ءماجبۇر بولعان.

“The Qazaq Times”