"بوكو حارام" تەررورلىق ۇيىمى ۇستىمىزدەگى جىلدىڭ قاڭتار ايىندا نيگەريادا قارۋلى قاقتىعىس ۇيىمداستىرعان ەدى. سالدارىنان 7 ادام قازا تاۋىپ، 17 ادام اۋىر جاراقات العان بولاتىن. سول جولعى قاقتىعىستان كەيىن "بوكو حارام" بەلسەندىلەرى ۇيىمنىڭ تاراتىلاتىنىن ايتىپ، ەشقانداي دا بەيبىت تۇرعىننىڭ قانى توگىلمەيدى دەپ ۋادە بەرگەنمەن، اتالعان ۇيىمنىڭ ءالى دە ارەكەت ەتىپ جاتقاندىعى انىقتالدى.
سەبەبى، بۇگىن ۇيىم تاراپىنان تاعى دا شابۋىل جاسالىپ، جازىقسىز 5 ادام قازا تاۋىپ، كوپتەگەن بەيبىت تۇرعىن جارالاندى. نيگەريا اقپارات قۇرالدارى تاراتقان مالىمەتكە سۇيەنسەك، "بوكو حارام" مۇشەلەرى نيگەريانىڭ شەكاراسىندا ورنالاسقان ديففا ايماعىنداعى تۋممار ورتالىق بازارىندا قارۋلى قاقتىعىس ۇيىمداستىرعان. كۋاگەرلەردىڭ ايتۋلارىنشا، سەبەپسىزدەن-سەبەپسىز بازارداعى قاراپايىم حالىققا وق جاۋدىرعان تەرروريستەر تەز ارادا وقيعا ورنىنان ءىز سۋىتقان.
نيگەريادا 2000 جىلداردىڭ باسىنان بەرى ۇيىمداسقان تۇردە ارەكەت ەتۋشى "بوكو حارام" تەررورلىق ۇيىمى 2009 جىلدان بەرى جاساعان جاپپاي كۇش كورسەتۋ ارەكەتتەرى ارقىلى 20 مىڭعا جۋىق ادامنىڭ ولىمىنە سەبەپ بولعان. ۇيىم 2015 جىلدان بەرى كامەرۋن، بەنين، چاد سياقتى شەكارالىق كورشى ەلدەرگە تەررورلىق شابۋىلدار جاساپ كەلدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى