مەملەكەتكە ايتارلىقتاي نۇقسان كەلتىرەتىن زاڭسىز كوشى-قوندى شەشۋ ماقساتىندا گەرمانيا كانتسلەرى انگەلا مەركەل افريكا ەلدەرىنە ءۇش كۇندىك ساپارعا اتتاندى. ساپار بارىسىندا ول گانا، نيگەريا جانە سەنەگال مەملەكەتتەرىنىڭ باسشىلارىمەن ميگراتسيا ماسەلەسىن تالقىلاماق.

ءوز سوزىندە مەركەل ەلدەگى نارازىلىق پەن داعدارىستى شەشۋدىڭ بىردەن-ءبىر جولى تۇراقتى ءتارتىپ ورناتۋ ەكەندىگىن ايتتى. سونداي-اق ول: «سەنەگال تاۋەلسىزدىككە قول جەتكىزگەننەن بەرى گەرمانيامەن تىعىز سەرىكتەستىك ورناتتى. الداعى ۋاقىتتا زاڭسىز كوشى-قوندى شەشە وتىرىپ، جەكە ينۆەستيتسيانى دامىتۋ ءۇشىن بىرلەسە جۇمىس اتقارۋىمىز قاجەت. سەنەگال – جىل سايىن ەڭبەك نارىعى 300 مىڭ اداممەن تولىسىپ وتىرعان جاس مەملەكەت. ءبىزدىڭ باستى ماقساتىمىز – افريكالىق قوناقتاردىڭ ەلدەن قونىس اۋدارۋىن بولدىرماي، جۇمىسپەن قامتاماسىز ەتۋ»، – دەدى.

اتالعان ساپار بارىسىندا گەرمانيا كانتسلەرى «افريكامەن كەلىسىم» دەپ اتالاتىن ءىرى 20 باستامانىڭ ءبىرىن جۇزەگە اسىرماق. سونىمەن قاتار مەركەل الەم نازار اۋدارعان ميگراتسيا ماسەلەسىنە دە قاتتى الاڭداۋشىلىق ءبىلدىردى. وسى اپتادا يران مەن ءسۇريادان كەلگەن ەكى كەلىمسەك 35 جاستاعى نەمىس ازاماتىن پىشاقاپ ولتىرگەن بولاتىن. قاندى وقيعا كۇللى گەرمانيانى دۇرلىكتىرىپ، حەمنيتس قالاسىنىڭ تۇرعىندارى جاپپاي ەرەۋىلگە شىققان. ماڭىزدى ءىسساپارىندا ول ميگرانتتار مەن جەرگىلىكتى تۇرعىندار اراسىندا داۋ تۋىنداماۋ كەرەكتىگىن ەسكەرتتى.

"The Qazaq Times"