Фото: "Боко Харам" ұйымының мүшелері. Көрнекі сурет

Біраз уақыттан бері саябырсыған нигериялық «Боко Харам» террорлық ұйымы елде тағы да шабуыл ұйымдастырып, салдарынан 5 әскери қаза тапты. Бұл туралы франциялық france24.com/fr агенттігі хабарлайды. 

Батыс Африка елі саналатын Нигерияның солтүстік-шығысында болған оқиға 5 адамның өмірін жалмағанымен қоймай, бірнеше адамның ауыр жарақат алуына себеп болды.

Шабуыл әрекеті негізінен Борно қаласына қарысты Бита ауылындағы бір әскери нысанға бағытталған. Аталған ауыр оқиғадан кейін әскерилер мен ұйым мүшелері арасында қақтығыс орын алып, ақыры көптеген ұйым мүшелерінің бейтараптандырылғаны хабарланды.

Нигерияда 2000 жылдардың басынан бері әрекет етуші «Боко Харам», тұтқындағы жетекшілері Мұхаммед Юсуф қайтыс болғаннан кейін, 2009 жылдан бастап қайтадан күшіне мінген еді. Содан бері елдегі террорлық оқиғалар мен қақтығыстар салдарынан жүз мыңдаған адам өзге елдерге бас сауғалауға мәжбүр болған.

“The Qazaq Times”