ەلباسى نۇرسۇلتان نازارباەۆ "نۇر وتان" پارتياسى ساياسي كەڭەسىنىڭ كەڭەيتىلگەن وتىرىسىندا "7-20-25" باعدارلاماسىنىڭ ماڭىزدىلىعىنا توقتالدى. پرەزيدەنت جاڭا جوبا بويىنشا بەرىلەتىن پاتەرلەر باسىندا باسپاناسى جوق تۇرعىندارعا عانا تيەسىلى بولۋ  كەرەكتىگىن ايتتى.

"بۇل باعدارلامانى تاعى دا تۇسىندىرىڭدەر! پاتەرلەر باسىندا باسپاناسى جوق تۇرعىندارعا بەرىلۋى كەرەك. ال، ۇيلەرى بارلار بۇل باعدارلامادان مۇلدەم ءدام ەتپەسىن...  پارتيا وكىلدەرى پاتەرلەردىڭ ادىلەتتى تۇردە ۇلەستىرىلۋىن قاداعالاۋ قاجەت. اقشا ۇرلاعاندى قويىڭدار!" - دەدى، نۇرسۇلتان نازارباەۆ.

سونداي-اق، مەملەكەت باسشىسى قازاقستاندا پاتەرلەر تەگىن تاراتىلمايتىنىن وتانداستارىمىز ءتۇسىنۋ كەرەك دەدى. سوزىنشە، قازىر پرەزيدەنتكە حات جازىپ، باسپانا سۇراپ جاتقاندار كوپ ەكەن. نۇرسۇلتان نازارباەۆ ەشبىر مەملەكەتتە تۇرعىن ۇيلەر تۇرعىندارعا تەگىن بەرىلمەيتىنىن ايتتى. سوندىقتان باسپاناعا مۇقتاج بولسا، "7-20-25" باعدارلاماسىنا قاتىسۋ كەرەك دەدى.

“The Qazaq Times”