سۇريالىق بوسقىنداردىڭ ەۋروپاداعى جولى تارىلدى. فوتو: The Counter Jihad Report.

وسى اپتادا ماجارستان (ۆەنگريا) ۇكىمەتى سۇريالىق بوسقىندارعا قولداۋ كورسەتكەن ادام قۇقىقتارىن قورعاۋ ۇيىمدارىنا قاراتا زاڭ جوباسىن جاساپ، پارلامەنتتىڭ بەكىتۋىنە ۇسىندى. بۇل زاڭ جوباسى قابىلدانسا ماجارستانعا زاڭسىز كەلگەن بوسقىندارعا كومەك كورسەتكەن ۇيىمدار جاۋاپقا تارتىلاتىن بولادى. بۇل تۋرالى BBC رەسمي سايتى حابارلادى.

ماجارستاننىڭ پرەزيدەنتى ۆيكتور وربان زاڭسىز جولمەن كەلگەن بوسقىندارعا قارسى كۇرەستى وسىدان ءۇش جىل بۇرىن  باستادى. ءتىپتى، ەل حالقىنا «ماجارستانعا زاڭسىز ەنەتىن ميگرانتتاردى توقتاتامىن» دەگەن ۋادەسىن دە بەردى. اتالعان جاڭا زاڭ جوباسى بويىنشا، ادام قۇقىقتارى جونىندەگى ۇيىمدار زاڭسىز كەلگەن بوسقىندارعا كەڭەس بەرۋ، مالىمەت پاراقشالارىن تاراتۋ، ازىق-تۇلىك جەتكىزۋ سەكىلدى ارەكەتتەرىنىڭ ءبارى دە زاڭدىق جاۋاپكەرشىلىك شەڭبەرىندە.

دەگەنمەن، قازىرگى كەزدە ەۋروپادان ءوز وتانىنا كەتكىسى كەلەتىن سۇريالىق بوسقىندار دا كوبەيگەن. ايتالىق، گەرمانياعا ەرىكسىز بوسىپ كەلگەن ءسۇريا ازاماتى زاكاريا ءوز وتانىنا قاراي جولعا شىقتى. قازىر الەمنىڭ ىقپالدى اقپارات مەديالاردى سۇرياعا قاراي جول تارتقان بوسقىندار تۋرالى كوپتەپ حابار تاراتۋدا.

 "The Qazaq Times"