رەسەي Instagram الەۋمەتتىك جەلىسىن بۇعاتتاۋى مۇمكىن – دەپ حابارلايدى ربك تەلەارناسى.

تەلەارنا مالىمەتىنشە، رەسەي تەرگەۋ كوميتەتىنىڭ توراعاسى الەكساندر باستىركين 2017 جىلى سانكت-پەتەربۋرگ قالاسىندا Instagram ارقىلى تەررورلىق شابۋىل ۇيىمداستىرىلعانىن العا تارتىپ، الەۋمەتتىك جەلىنى بۇعاتتاۋدى ۇسىنعان. ول ءوز سوزىندە: «بىلتىر سانكت-پەتەربۋرگ مەتروسىنا جاسالعان لاڭكەستىك شابۋىل ءدال وسى Instagram ارقىلى ۇيىمداستىرىلعان. ال ءبىز ونى ءالى كۇنگە دەيىن بۇعاتتاي الماي وتىرمىز. سايتتاردى بۇعاتتاۋ جۇمىستارى ۇزاق ۋاقىت الادى. سول سەبەپتى اتالمىش ماسەلەنى قىسقا ۋاقىت ىشىندە وڭتايلاندىرۋىمىز قاجات» - دەگەن.

ەستەرىڭىزگە سالايىق، 2017 جىلدىڭ ماۋسىم ايىندا رەسەي فەدەرالدى قاۋىپسىزدىك باسقارماسى «سانكت-پەتەربۋرگ مەتروسىندا بولعان تەررورلىق شابۋىل Telegram الەۋمەتتىك جەلىسى ارقىلى ۇيىمداستىرىلعان» - دەپ مالىمدەگەن. وسىدان كەيىن كوپ ۇزاماي رەسەي اۋماعىندا Telegram الەۋمەتتىك جەلىسىنە شەكتەۋ قويىلعان.

“The Qazaq Times”