فوتو: uefa.com

«ۋەفا EURO-2016 فينالىنا قاتىسقان 54 ۇلتتىق اسسوتسياتسيانىڭ فۋتبولل كلۋبتارىنا 150 ميلليون ەۋرو قاراجات ءبولدى»، – دەپ حابارلايدى zakon.kz  ۋەفا-نىڭ رەسمي سايتىنا سىلتەمە جاساپ. 

سونداي-اق ءدال سونداي كولەمدەگى سومانى 641 كلۋب الادى. جالپى العاندا، ۋەفا-نىڭ وزىندە 54 ۇلتتىق اسسوتسياتسيا بار. ال EURO-2016 بارىسىندا 329 ماتچ – كۆاليفيكاتسيا ءۇشىن جانە 51 – فينالدىق ويىن بولعان.  2015 جىلعى مەموراندۋم شارتى بويىنشا، ەۋرو-2012-گە قاراعاندا 50 ميلليون ەۋروعا كوپ بەرىلەتىن 150 ميلليون ەۋرونى ۋەفا مەن ەۋروپا كلۋبتارىنىڭ اسسوتسياتسياسى بەكىتكەن.

ياعني، فينالدىق كەزەڭگە شىققان فۋتبول كوماندالارى 100 ملن ەۋرو السا، 50 ملن-دى فينالعا شاقپاسا دا، ىرىكتەۋ كەزەڭىنە قاتىسقانى ءۇشىن بەرىلەدى.

ال قازاقستان قۇرامالارىنا جالپى كولەمدە 1 ملن 199 386 ەۋرو قاراجات بولىنەدى. اتالمىش سىياقىنى الاتىن قۇرامالار تومەندەگى تىزىمدە:

  1. "قايرات" - 316 225
  2. "اقتوبە" - 239 664
  3. "استانا" - 217 489
  4. "ورداباسى" - 150 355
  5. "شاحتەر" - 87 707
  6. "تاراز" - 50 118
  7. "اتىراۋ" - 45 941
  8. "يرتىش" - 33 412
  9. "توبىل" - 29 235
  10. "قايسار" - 16 706
  11. "جەتىسۋ" - 8 353
  12. "وكجەتپەس" - 4 176

ايتا كەتەيىك، ۋەفا  ەۋرو-2020 ويىندارىنا قاتىساتىن  اربىر فۋتبول كلۋبتارىنا 200 ميلليون ەۋرو سىياقى بەرۋدى جوسپارلاپ وتىر.

«The Qazaq Times»