رەسەي پرەزيدەنتى ۆلاديمير پۋتين. فوتو: 9 كانال

ۇلىبريتانيا رەسەي پرەزيدەنتى ۆلاديمير پۋتينگە جانە ونىڭ جاقىندارىنا قارجىلاي قىسىم كورسەتپەك.

ۆۆس اقپارات اگەنتتىگىنىڭ مالىمەتىنشە، ۇلىبريتانيا پارلامەنتىنىڭ حالىقارالىق ىستەر كوميتەتى «ماسكەۋ التىنى: ۇلىبريتانياداعى رەسەي جەمقورلىعى» اتتى زەرتتەۋ قۇجاتىن جاريالاعان. قۇجات اۆتورلارى ۇزاق جىلدار بويى ۇلىبريتانيا اۋماعىنا كەلگەن رەسەيلىك وليگارحتاردىڭ «ارام قارجىلارىنا» ەشقانداي توسقاۋىل قويماعاندىقتارىن، جەمقورلىققا قارسى جۇيەلەردىڭ ءوز دەڭگەيىندە جۇمىس ىستەمەي جاتقاندىعىن مويىندايدى جانە الداعى ۋاقىتتا رەسەي پرەزيدەنتى ۆلاديمير پۋتين مەن ونىڭ جاقىندارىنا قارجىلاي قىسىم كورسەتەتىن جاڭا جۇيە قالىپتاستىرۋ قاجەت ەكەندىگىن العا تارتادى.

"Transparency International" ۇيىمىنىڭ ۇلىبريتانيا بولىمشەسىنىڭ زەرتتەۋلەرى بويىنشا، قازىرگى تاڭدا ەل اۋماعىندا جەمقورلىقپەن كەلگەن 4,4 ميلليارد فۋند ستەرلينگ قارجى بار. ولاردىڭ شامامەن 970 ميلليونى رەسەيلىك وليگارحتارعا تيەسىلى. بىراق ۇيىم مۇشەلەرى بۇل اقپاراتتاردىڭ «ايزبەرگتىڭ باسى» عانا ەكەندىگىن مويىندايدى. سەبەبى وسى ۋاقىتقا دەيىن ۇلىبريتانيا قۇزىرلى ورگاندارى رەسەيلىك كومپانيالاردىڭ ەل اۋماعىنان قانداي دا ءبىر جىلجىمايتىن مۇلىك نەمەسە كومپانيا اكتسيالارىن ساتىپ الۋىنا تىيىم سالۋعا قاۋقارسىز بولىپ كەلگەن. ۇيىم ءوز سوزدەرىنە دالەل رەتىندە 2017 جىلى ۇلىبريتانيادا بولعان حالىقتىق IPO-نى مىسالعا كەلتىرەدى. 2017 جىلى رەسەيدىڭ قارۋ-جاراق تاسىمالىمەن اينالىساتىن «رۋسال» كومپانياسى مەن سانكتسياعا ىلىككەن ۆتب بانكىمەن بايلانىسى بار «En+Group» كومپانياسى حالىقتىق IPO-عا قاتىسىپ، ۇلىبريتانيا بيرجاسىنان قۇنى 1,5 ميلليارد فۋندتى قۇرايتىن قۇندى قاعازداردى ساتىپ العان. بۇعان سول ۋاقىتتا ۇلىبريتانيا قارجى باقىلاۋ باسقارماسى ەشقانداي كەدەرگى كەلتىرە الماعان.

“The Qazaq Times”