رەسەي پرەزيدەنتى ۆلاديمير پۋتين. فوتو: كوررەسپوندەنت.

رەسەي قارۋ-جاراق قۇراستىرۋدا وزگە ەلدەردى ونداعان جىلعا ارتقا تاستاپ كەتتى – دەپ حابارلايدى ريا نوۆوستي اقپارات اگەنتتىگى.

اگەنتتىك مالىمەتىنشە، رەسەي پرەزيدەنتى ۆلاديمير پۋتين  اسكەري قىزمەتكەرلەرمەن كەزدەسۋىندە رف قارۋلى كۇشتەرىنىڭ ارسەنالىنداعى قارۋ-جاراق جونىندە مالىمدەمە جاساعان. وندا ول: «وسى ارادا سوڭعى ۇلگىدەگى قارۋ-جاراق پەن اسكەري تەحنيكالاردى قۇراستىرعان عالىمدار مەن ينجەنەرلەرگە، قاراپايىم جۇمىسشىلارعا راحمەت ايتقىم كەلەدى. قازىرگى تاڭدا ولاردىڭ قولىنان شىققان قارۋ-جاراققا الەمدە تەڭ كەلەتىن قارۋ جوق. رەسەي قارۋ-جاراق قۇراستىرۋدا وزگە ەلدەردى ونداعان جىلعا ارتقا تاستاپ كەتتى» - دەگەن.

ەستەرىڭىزگە سالايىق، بۇعان دەيىن ناۋرىز ايىنىڭ 1-ءى كۇنى ۆلاديمير پۋتين فەدەرالدى كەڭەس مۇشەلەرى الدىندا سويلەگەن سوزىندە رەسەي قارۋلى كۇشتەرىنىڭ ارسەنالىنا ەنگەن سوڭعى ۇلگىدەگى سارمات جانە اۆانگارد گيپەردىبىستىق زىمىراندارىن تانىستىرعان. رەسەي قۇراستىرۋشىلارىنىڭ سوزىنشە، قازىرگى تاڭدا الەمدە اتالمىش زىمىراندارعا قارسى كەلەتىن ءبىر دە ءبىر اۋە قورعانىسى جۇيەسى جوق.

“The Qazaq Times”