بەلارۋس پرەزيدەنتى الەكساندر لۋكاشەنكو رەسمي ءىس-ساپارمەن تاجىكستانعا باردى.

تاجىكستان پرەزيدەنت اكىمشىلىگىنىڭ مالىمەتىنشە، بۇگىن بەلارۋس پرەزيدەنتى الەكساندر لۋكاشەنكو رەسمي ءىس-ساپارمەن دۋشانبەگە بارعان. ونى اۋەجايدان تاجىكستان پرەمەر-ءمينيسترى كوحير راسۋلزودا كۇتىپ العان. ءىس- ساپار بارىسىندا الەكساندر لۋكاشەنكو ءوزىنىڭ تاجىكستاندىق ارىپتەسى ەمومالي راحمونمەن كەزدەسىپ، ەكى جاقتىق قارىم-قاتىناس، ساۋدا-ەكونوميكالىق ارىپتەستىك، بىرلەسكەن ينۆەستيتسيالىق جوبالار جانە ونەركاسىپتىك كووپەراتسيا سالالارىن دامىتۋعا بايلانىستى كەلىسسوزدەر جۇرگىزەدى دەپ كۇتىلۋدە.

بەلارۋس ساراپشىلارىنىڭ پىكىرىنشە، الەكساندر لۋكاشەنكونىڭ بۇل جولعى رەسمي ءىس-ساپارى ەلدىڭ ەكونوميكالىق ءال-اۋقاتىن ارتتىرۋعا باعىتتالعان. رەسمي مينسك رەسەيگە سالىنعان سانكتسيالاردان كەيىن ساۋدا نارىعىن كەڭەيتۋدى كوزدەۋدە.

“The Qazaq Times”