يران ەۋروپا ەلدەرىنە ۋلتيماتۋم قويدى

يران ەۋروپا ەلدەرىنە ۋلتيماتۋم قويدى – دەپ حابارلايدى AFP اقپارات اگەنتتىگى.

اگەنتتىك مالىمەتىنشە، مامىر ايىنىڭ 13-ءى كۇنى يران سىرتقى ىستەر ءمينيسترىنىڭ ورىنباسارى ابباس اراكچي اقش-تىڭ يادرولىق كەلىسىمنەن شىعۋىنا بايلانىستى ەۋروپا ەلدەرىنەن ۋلتيماتۋم قويعان. ول ءوز مالىمدەمەسىندە: «اقش-تىڭ يادرولىق كەلىسىمنەن شىعۋىنا بايلانىستى ەۋروپا ەلدەرى 60 كۇن ىشىندە يران مۇدەسىن قورعايتىن كەپىلدىك قۇجاتتار ازىرلەۋى ءتيىس. ەگەر ەۋروپا ەلدەرى بەلگىلىنگەن ۋاقىت ىشىندە قۇجاتتاردى دايىندامايتىن بولسا، وندا يران ءوز مۇدەسىن قورعاۋ ءۇشىن ءتيىستى شەشىم شىعاراتىن بولادى» - دەگەن.

ەستەرىڭىزگە سالايىق،  مامىر ايىنىڭ 8-ءى كۇنى اقش پرەزيدەنتى دونالد ترامپ يرانمەن اراداعى يادرولىق كەلىسىمنەن شىعاتىنىن مالىمدەگەن. ونىڭ بۇل شەشىمىن ەكس-پرەزيدەنت باراك وباما قاتاڭ سىنعا الىپ، «ترامپتىڭ يرانعا قاتىستى شەشىمى ۇلكەن قاتەلىك» - دەپ مالىمدەگەن.

“The Qazaq Times”